លោក Mino Raiola ភ្នាក់ងារទីផ្សាររបស់ Pual Pogba បានបញ្ជាក់ថាអនាគតរបស់កីឡាករបារាំងរូបនេះនៅ Manchester United គឺចប់ហើយ រូបគេត្រៀមជាស្រេចក្នុងការចាកចេញ។
ដោយសារតែមានបញ្ហាច្រើនកន្លងមកនេះ និងប៉ុន្មានប្រកួតចុងក្រោយមិនសូវមាននាទីលេង ទើបបានធ្វើឱ្យ Pogba ហាក់មិនសប្បាយចិត្តនោះទេ។ ដោយឡែកនៅពេលនេះក៏ស្រាប់តែមានដំណឹងមកថា រូបគេនឹងចាកចេញពីទឹកដី Old Trafford ត្រឹមចប់រដូវកាលនេះ ជាជាងដើរចេញដោយគ្មានតម្លៃខ្លួននៅពេលចប់កុងត្រាឆ្នាំ២០២២។
ជាមួយគ្នានេះដែរ លោក Raiola ដែលជាភ្នាក់ងារទីផ្សាររបស់ Pogba នោះបានចេញមុខមកនិយាយដែរថា៖ “គ្មានការចរចាបន្ដកុងត្រាថ្មីនោះទេ។ Pogba នៅ Man Utd គឺ Over ហើយ។ គាត់ត្រូវតែប្ដូរក្រុម ប្ដូរបរិយាកាស។ កុងត្រារបស់គាត់នឹងចប់នៅ១ឆ្នាំកន្លះទៀត ប៉ុន្តែខ្ញុំយល់ថាដំណោះស្រាយល្អបំផុតគឺ Man Utd លក់គាត់ចេញនៅចប់រដូវកាលនេះ”៕
ប្រភព៖sabay
