អតីតខ្សែប្រយុទ្ធបិសាចក្រហមលោក Dimitar Berbatov បាននិយាយកាលពីពេលថ្មីៗនេះថា ខ្សែប្រយុទ្ធព័រទុយហ្គាល់កីឡាករ Cristiano Ronaldo មិនដែលផឹកទេក្នុងថ្ងៃបុណ្យ ដូចបុណ្យគ្រិស្តម៉ាស ហើយបើនិយាយរឿងហាត់វិញ ហាត់ដូចមានសង្គ្រាមអញ្ចឹង។
លោកបាននិយាយថា៖ ” ខ្ញុំមានសំណាងណាស់ ដែលបានលេងជាមួយ Ronaldo បានមួយរដូវកាលដែរ។ ពេលហាត់ គេហាត់ដូចមានសង្គ្រាម ហើយគេជាក្មេងល្អណាស់ សូម្បីតែគ្រិស្តម៉ាសក៏រក្សាបាននូវវិជ្ជាជីវៈរបស់គេបានដែរ ។ ខ្ញុំមិនដែលឃើញគេផឹកទេនៅកម្មវិធីអញ្ចឹងៗ ” ។
លោកបានបន្តថា៖ ” គេថែរក្សាខ្លួនឯងណាស់ មកហាត់ក៏មុនគេ ហើយចូល Gym ។ Ronaldo ចូលចិត្តចេញពីហាត់ក្រោយគេ ដោយគេនៅហាត់ស៊ុតបាល់ ក្រោយមកគេទៅហែលទឹក ហើយទៅ Gym វិញទៀត ” ។
Berbatov មកដល់ Man Utd នៅឆ្នាំ២០០៨ ហើយកីឡាករប៊ុលហ្គារីមួយនេះ បានចូលនិវត្តន៍កាលពីឆ្នាំ២០១៨ ក្រោយចំណាយពេល ២០ឆ្នាំនោអាជីពបាល់ទាត់៕ sabay
