បរទេស៖កងទ័ពអាកាស សហរដ្ឋអាមេរិក តាមសេចក្តីរាយការណ៍ បានប្រកាសគម្រោងធ្វើតេស្តសាកល្បងទំនាក់ទំនង ទិន្នន័យសន្តិសុខមួយ រវាងយន្តហោះចម្បាំងបំបាំង កាយ F-22 និង F-35 របស់ខ្លួន តែមិនបានបញ្ជាក់ពី ទីតាំងយន្តហោះនោះទេ។
យោងតាមការចេញផ្សាយរបស់ ទីភ្នាក់ងារសារព័ត៌មាន UPI បានឲ្យដឹងថា ការតេស្តសាកល្បងដំបូង នៅក្នុងខែធ្នូ គឺជាកត្តាដ៏ចម្បងមួយ នៅក្នុងគោលដៅ យោធាអាមេរិក នៃទីបញ្ជាករពហុតំបន់ និងបណ្ដាញត្រូតពិនិត្យដ៏ទូលំទូលាយ ដែលរួមបញ្ចូលទាំងកងទ័ពជើងគោក កងទ័ពជើងទឹក កងកម្លាំងម៉ារីន និងកងទ័ពអាកាស នៅទូទាំងលើគោក សមុទ្រ ដែនអាកាស និងទីអវកាស។
លោក Preston Dunlap ជាប្រធានបត្យករដំបូង របស់កងទ័ពអាកាសសហរដ្ឋអាមេរិក បានមានប្រសាសន៍ កាលពីសប្ដាហ៍មុនថា “យើងមានទម្រង់ ផ្សេងៗគ្នាជាច្រើន ដែលយើងចង់ឲ្យមានសមត្ថភាព អាចឲ្យចែករំលែកព័ត៌មាន តាមមធ្យោបាយ ដែលពួកគេមិនធ្លាប់មានពីមុនមក”៕ ប្រែសម្រួល៖ប៉ាង កុង
