CL បានឈ្នះពានរង្វាន់ស្ត្រីអាស៊ីឆ្នើមប្រចាំឆ្នាំ ២០១៩។
កាលពីថ្ងៃទី ១០ វិច្ឆិកា កន្លងទៅ នៅសហរដ្ឋអាមេរិក CL ត្រូវបានប្រកាសថាបានឈ្នះពាន់រង្វាន់ស្ត្រីអាស៊ីឆ្នើមប្រចាំឆ្នាំ ២០១៩(The Most Inspiring Asian Woman of 2019) របស់ E! People Choice Awards។ CL បានយកឈ្នះពានរង្វាន់មួយនេះ ក្នុងចំណោមបេក្ខភាពល្បីៗជាច្រើនរួមមានAlia Bhatt (ឥណ្ឌា) Zhou Dong Yu (ចិន) Raline Shah (ឥណ្ឌូណេស៊ី) ព្រមទាំង Chutimon Cheungcharoensukying និង Praya Lundberg (ថៃ)។
សូមបញ្ជាក់ផងដែរថា E! People Choice Awards គឺជាកម្មវិធីពានរង្វាន់អាមេរិក ធ្វើឡើងសម្រាប់ទទួលស្គាល់ស្នាដៃសិល្បករ សិល្បការិនី តាមរយៈការបោះឆ្នោតគាំទ្រពីសំណាក់សាធារណជន។ កម្មវិធីត្រូវបានរៀបចំធ្វើឡើងតាំងពីឆ្នាំ ១៩៧៥ ដែលកាលណោះ ការបោះឆ្នោតគាំទ្រត្រូវបានធ្វើឡើងតាមការស្ទង់មតិ ហើយបានផ្លាស់ប្ដូរទៅជាការបោះឆ្នោត Online ចាប់ពីឆ្នាំ ២០០៥ មក៕
ប្រភព៖Sabay
