អាមេរិក៖ក្រុមហ៊ុន Google បញ្ចូលជំនួយពីក្រុមហ៊ុនសន្តិសុខអ៊ីនធើណេតចំនួន៣ដើម្បីជួយស្កែនប្រព័ន្ធ Android ថ្មីទាំងអស់ចំពោះមេរោគដែលប៉ុនប៉ងបញ្ឈប់កម្មវិធីកម្ចាត់មេរោគដែលជ្រៀតចូលលើកម្មវិធី Play Store របស់ខ្លួននេះបើយោងតាមការចេញផ្សាយពីគេហទំព័រឌៀលីម៉ែល។
សម្ព័ន្ធការពារកម្មវិធីដែលបានបង្កើតថ្មីរួមបញ្ចូលទាំងក្រុមហ៊ុនសន្តិសុខ Zimperium, ESET និង Lookout ប្រើឧបករណ៍ស្កេន និងគំរាមកំហែងរកកម្មវិធីដើម្បីវាយតម្លៃកម្មវិធីថ្មីទាំងអស់ដែលបានបញ្ជូនទៅ Google មុនពេលពួកគេដំណើរការ។
នេះត្រូវបានរចនាឡើងដើម្បីកាត់បន្ថយបរិមាណនៃកម្មវិធីត្រូវបានបំផ្លាញដោយមេរោគក្នុងការជ្រៀតចូលសម្រាប់កម្មវិធី Play Store បន្ទាប់ពី Google បានសារភាពថា ចំនួនកម្មវិធីដែលត្រូវបានផ្ទុកឡើងមានចំនួនច្រើនពេក វាអាចគ្រប់គ្រងបានតែម្នាក់ឯង។
លោក Dave Kleidermacher អនុប្រធានផ្នែកសុវត្ថិភាព និងឯកជននៃប្រព័ន្ធប្រតិបត្តិការ Android របស់ Google បានប្រាប់ Wired ថា ផ្នែកខាងមេរោគយើងពិតជាមិនមានវិធីដើម្បីធ្វើមាត្រដ្ឋានច្រើនដូចដែលយើងចង់បាននោះទេ។ សម្ព័ន្ធការពារជាតិជួយឲ្យយើងធ្វើដោយយកវិធីសាស្រ្តអេកូឡូស៊ីបើកចំហរទៅកម្រិតបន្ទាប់។
លោកបានបន្តថា យើងអាចចែករម្លែកព័ត៌មានមិនត្រឹមតែការផ្សព្វផ្សាយប៉ុណ្ណោះទេ ប៉ុន្តែយើងពិតជាបញ្ចូលម៉ាស៊ីនរួមគ្នាក្នុងកម្រិតឌីជីថលដូច្នេះយើងអាចឆ្លើយតបបានទាន់ពេលវេលាពង្រីកការពិនិត្យមើលកម្មវិធីទាំងនេះហើយអនុវត្តវាដើម្បីធ្វើឲ្យអ្នកប្រើប្រាស់កាន់តែមានការការពារ៕ ដោយ៖លី ភីលីព
