Floyd Mayweather ទទួលបានការរិះគន់ ជាច្រើនដោយអ្នកគាំទ្រ ដោយពួកគេចោទថា ប្រកួតសម្ដែងបោក យកតែលុយអ្នកមើល បន្ទាប់ពីជំនួបជាមួយ Logan Paul កាលពីព្រឹកមិញ។
Floyd បានគ្រប់គ្រងស្ទើរតែឈ្នះគ្រប់ទឹក នៃការប្រកួតជាមួយ Paul ប៉ុន្តែធ្វើឲ្យអ្នកគាំទ្រ ខកចិត្ត ដែលមិនផ្ដួលដៃគូ ដែលមានបទពិសោធន៍ប្រកួតតិចតួចបំផុតមិនឲ្យសន្លប់បាន ។ ប្រកួតនេះអ្នកប្រដាល់ កាន់កំណត់ត្រា៥០-០ បានសរសើរ មិននឹកស្មានថា Paul គេល្អបែបនេះ។
យ៉ាងណាមិញកីឡាករវ័យ៤៤ឆ្នាំ បាននិយាយក្រោយបញ្ចប់ការ ប្រកួតជាមួយ Paul ថា គេប្រហែលជាឈប់ ប្រកួតម្ដងទៀតហើយ ក្រោយមានការរិះគន់ពេញបណ្ដាញសង្គមពីសំណាក់អ្នកគាំទ្រ។
គណនី Twitter មួយបានសរសេរថា៖ “Mayweather បានបោកមនុស្សរាប់លាន អ្នកឲ្យគិតថា គេអាចផ្ដួល Logan” ។ គណនីមួយទៀត បានសរសេរថា៖ “ខ្ញុំពិតជាមិនអាចជឿថា Logan និង Floyd បញ្ចប់ការប្រកួតស្មើគ្នា” ។ sabay
