អ្នកគាំទ្រប្រដាល់បានបង្ហោះរូប Troll ជាច្រើនសន្លឹកលើបណ្ដាញសង្គមផ្សេងៗ បន្ទាប់ពីទស្សនាការប្រកួតរវាង Floyd Mayweather និង Logan Paul កាលពីម្សិលមិញ។
ខណៈដែល Floyd និង Logan រីករាយដូចគ្នាក្រោយពីការប្រកួត ប៉ុន្តែអ្នកគាំទ្រមួយចំនួនធំបានខកចិត្តចំពោះសកម្មភាពប្រកួតរបស់អ្នកទាំងពីរនិងស្ដាយលុយខំចំណាយ។ អ្នកគាំទ្រមើលឃើញថា ប្រកួតនេះអ្នកទាំងពីរគិតតែឱបគ្នាច្រើនពេក មិនសូវឈរប្ដូរវាយគ្នា។
រូបភាព Troll ជាច្រើនសន្លឹកបានចែកចាយ ពេញបណ្ដាញសង្គម ដោយអ្នកគាំទ្រកាត់ត និងប្រៀបធៀបការឱបគ្នារវាង Floyd និង Logan។ រូបភាពមួយពួកគេបានកាត់ត Floyd និង Logan ស្លៀកឈុតអាពាហ៍ពិពាហ៍ ឈរឱបនិងថើបគ្នា។
គណនី Twitter មួយបានសរសេរបែបផ្លែផ្កាថា ពួកយើងចំណាយលុយ ដើម្បីមើលបុរសម្នាក់ឱបគ្នា ។ វាមិនមែនជាការ ប្រដាល់ឡើយ៕ sabay
