Wayne Rooney បានលើកឡើងថា លោក Ole Gunnar Solskjaer មិនត្រូវចំណាយរដូវកាលដោយគ្មានបានឈ្នះពានទៀតឡើយនៅ Manchester United ព្រោះពេលនេះ Cristiano Ronaldo បានត្រឡប់មកវិញហើយ។
Ronaldo វ័យ៣៦ឆ្នាំបានធ្វើតេស្ដសុខភាពរួចរាល់អស់ហើយកាលពីម្សិលមិញ រងចាំតែលើកអាវបង្ហាញខ្លួនជាផ្លូវការក្នុងនាមជាកីឡាករ United ប៉ុណ្ណោះ។ កីឡាករសញ្ជាតិព័រទុយហ្គាល់រំពឹងនឹងបានលេងប្រកួតដំបូងឲ្យបិសាចក្រហមពេលប៉ះជាមួយ Newcastle។
Man Utd ក្រោមការដឹកនាំរបស់ Ole ចាប់តាំងពីឆ្នាំ២០១៨ មិនទាន់ឈ្នះពានអ្វីមួយឡើយ។ ការនាំចូលកីឡាករថ្មីល្អៗដូចជា Raphael Varance, Jadon Sancho និង Ronaldo អ្នកចាត់ការ Rooney សង្ឃឹមថា រដូវកាលនេះ Ole នឹងជួយក្រុមរកពានរង្វាន់បាន។
និយាយប្រាប់ The Guardian លោក Rooney បាននិយាយថា Ole ដឹងច្បាស់ថា ពេលនេះគេកំពុងនៅទីតាំងមួយដែលចាប់ផ្ដើមឈ្នះពានធំៗ ជាមួយកីឡាករដែលគេបាននាំចូល។ Ronaldo នៅតែជាកីឡាករល្អជាងគេម្នាក់ក្នុងលោក៕
