Peter Crouch បាននិយាយថាក្រុមបិសាចក្រហម Manchester United នឹងលេងប្រយុទ្ធខ្លាំងជាងនេះ ប្រសិនបើលោក Pep Guardiola និង Jurgen Klopp ដឹកនាំ ។
United បានភ្លាត់របូត ០-២ ក្រោមថ្វីជើងក្រុម Atalanta| ក្នុងពានរង្វាន់ UEFA Champions League កាលពីយប់មិញនៅតង់ទី១ ។ តែចូលដល់តង់ទី២វិញ ក្រុមបិសាចក្រហមអាចវាយបកបានវិញ៣គ្រាប់ ដើម្បីយកឈ្នះក្នុងលទ្ធផល ៣-២ ធ្វើឱ្យអ្នកគាំទ្រសប្បាយចិត្ត និងបានចាត់ទុកថា ជាការវាយបកមួយដ៏អស្ចារ្យ សម្រាប់ក្រុមនេះ ។
តែសម្រាប់ការមើលឃើញ របស់ Crouch ថា សមាជិកក្រុម Man Utd ជាពិសេសតំបន់ប្រយុទ្ធ ហាក់មិនសកម្ម ឬប្រឹងប្រែងខ្លាំងនោះទេ ។ លោក Ole ហាក់ដូចជាមិនចង់ឱ្យកីឡាករ លេងប្រឹងសោះក្នុងការប្រយុទ្ធ ដែលធ្វើឱ្យក្រុមពិបាករកគ្រាប់បាល់ ។ អតីតកីឡាករឆ្នើមខាងលើ បន្ថែមថា ប្រសិនបើ Man Utd ស្ថិតក្រោមការដឹកនាំ របស់លោក Pep ឬ Klopp វិញ ធានាតំបន់ប្រយុទ្ធបិសាច នៃពេលបច្ចុប្បន្ន នឹងមុតស្រួចខ្លាំងជាក់ជាមិនខាន ៕
