អាមេរិក ៖ រូបថតដ៏គួរឲ្យភ្ញាក់ផ្អើល នៃភពព្រហស្បតិ៍ ដែលថតដោយយានអវកាស Juno របស់អង្គការអវកាសយក្ស អាមេរិក ណាសា បានបង្ហាញពី Mocha Swirls នៃពពកនៅក្នុងរយៈទទឹងពាក់កណ្តាល ភាគខាងត្បូងនៃឧស្ម័នយក្ស នេះបើយោងតាមការចេញផ្សាយ ពីគេហទំព័រឌៀលីម៉ែល ។
យន្តJuno ត្រូវបន្តសិក្សាបរិយាកាស របស់ភពព្រហស្បតិ៍រហូតដល់ឆ្នាំ ២០២៥ បានចាប់យកទិដ្ឋភាព ដ៏អស្ចារ្យក្នុងអំឡុង ពេលឆ្លងកាត់ទាបទី ៣៦ របស់វាលើភពទី៥ ក្នុងប្រព័ន្ធព្រះអាទិត្យ របស់យើង ។ ខ្យល់បក់រាងជារង្វង់ នៅជិតកណ្តាល រូបភាពគឺជាព្យុះស៊ីក្លូនដ៏ធំ ដែលលាតសន្ធឹងប្រហែល ៤០០ គីឡូម៉ែត្រ ឆ្លងកាត់ ។
ពណ៌របស់វា គឺជាលទ្ធផលនៃការធ្លាក់ចុះ នៃខ្យល់នៅក្នុងព្យុះស៊ីក្លូនជម្រះពពក នៅកម្រិតខាងលើ ដោយបង្ហាញពីវត្ថុធាតុងងឹត មួយចំនួនពីខាងក្រោម។ រូបថតនេះត្រូវបានកែប្រែ ចំណែក អ្នកវិទ្យាសាស្ត្រពលរដ្ឋ Brian Swift បានយករូបភាពឆៅពី JunoCam ហើយបញ្ចាំងវាទៅលើរាងស្វ៊ែរ ដើម្បីបង្កើតទិដ្ឋភាព បានបង្ហាញខាងលើ ។
Juno បានចាប់យករូបភាព ដើម នៅថ្ងៃទី ២ ខែកញ្ញា ឆ្នាំ២០២១វេលាម៉ោង ៤៖០៩ នៅពេលនោះយាននេះ ត្រូវបានដាក់នៅរយៈទទឹងប្រហែល ៣១ ដឺក្រេខាងត្បូង ។ យានអវកាស បានឆ្លងកាត់ចម្ងាយ ប្រហែល ២៧,០០០គីឡូម៉ែត្រ ពីលើកំពូលនៃពពកវិលជុំវិញ ដែលបានឃើញនៅក្នុង ការបាញ់ប្រហារ ៕ដោយ៖លី ភីលីព
