សេដ្ឋកិច្ច​ និង អចលនទ្រព្យ

ការវិនិយោគផ្ទាល់ពីបរទេស ទៅកាន់កូរ៉េខាងត្បូងលើសពី ២០ ពាន់លានដុល្លារនៅឆ្នាំ ២០១៩

សេអ៊ូល៖ ទិន្នន័យរបស់រដ្ឋាភិបាល បានបង្ហាញកាលពីថ្ងៃចន្ទថា ការវិនិយោគទុនដោយផ្ទាល់ពីបរទេសថ្មី (FDI) ដែលបានសន្យា ទៅកាន់ប្រទេសកូរ៉េខាងត្បូង បានកើនឡើងដល់ ២០ ពាន់លានដុល្លារអាមេរិកនៅឆ្នាំនេះ ដោយសារការចាប់អារម្មណ៍កាន់តែខ្លាំងឡើង នៅក្នុងឧស្សាហកម្មគ្រឿងបន្លាស់ និងឧស្សាហកម្មឧបករណ៍របស់ប្រទេសនេះ។

យោងតាមទិន្នន័យ ដែលបានចេញផ្សាយដោយក្រសួងពាណិជ្ជកម្ម ឧស្សាហកម្ម និងថាមពល បានឱ្យដឹងថាប្រទេសកូរ៉េខាងត្បូង បានទទួលទឹកប្រាក់ចំនួន ២០,៣ ពាន់លានដុល្លារ នៃការប្តេជ្ញាចិត្តវិនិយោគផ្ទាល់ពីបរទេស គិតត្រឹមថ្ងៃទី០២ ខែធ្នូ។

ឆ្នាំនេះគឺជាឆ្នាំទី ៥ ជាប់ៗគ្នា ដែលប្រទេសកូរ៉េខាងត្បូង បានទទួលការសន្យាពី FDI ប្រចាំឆ្នាំជាង ២០ ពាន់លានដុល្លារ។ ការវិនិយោគផ្ទាល់ ពីបរទេសមកប្រទេសកូរ៉េខាងត្បូង បានធ្លាក់ចុះ ៣៧ ភាគរយនៅក្នុងឆមាសទីមួយនៃឆ្នាំនេះ ដោយសាររយៈពេលយូរនៃជម្លោះពាណិជ្ជកម្ម រវាងទីក្រុងវ៉ាស៊ីនតោន និងទីក្រុងប៉េកាំង បានធ្វើឱ្យអារម្មណ៍វិនិយោគិនធ្លាក់ចុះ៕ដោយ ឈូក បូរ៉ា

Most Popular

To Top