ភ្នំពេញៈ មានយុទ្ធសាស្ត្រមួយចំនួន ដែលភ្នាក់អារអចលនទ្រព្យបានធ្វើ និងទទួលបានជោគជ័យ។ តើយុទ្ធសាស្ត្រអ្វី ដែលអាចឱ្យភ្នាក់ងារអចលនទ្រព្យថ្មី អាចស្វែអរកអតិថិជនបានក្នុងរយៈពេលខ្លះនោះ?។
អ្នកដែលមានបទពិសោធន៍ លើអាជីពជាភ្នាក់ងារអចលនទ្រព្យ បានផ្ដល់ជាទស្សនមួយចំនួនទៅលើយុទ្ធសាស្ត្រក្នុងការស្វែងរកអតិថិជន ក្នុងពេលខ្លួនគឺជាភ្នាក់ងារអចលនទ្រព្យ ត្រូវសិក្សាលើចំណុចមួយចំនួននេះជាមុនសិន។
១. ធ្វើការផ្សាយផ្ទាល់ប្រចាំសប្ដាហ៍
ក្នុងន័យនេះ មិនមែនចាំទាល់តែផ្សាយផ្ទាល់ តាមកញ្ចក់ទូរទស្សន៍ឬ ប្រព័ន្ធផ្សព្វផ្សាយធំៗនោះទេ។ នៅក្នុងសម័យឌីជីថលនេះ គេអាចផ្សាយពីខ្លួនឯង ទៅកាន់មនុស្សជាច្រើនក្នុងសង្គម ដូចជាតាមហ្វេសប៊ុក ដូច្នេះការផ្សាយបន្តផ្ទាល់នៅតាមបណ្ដាញសង្គមគឺជារឿងសំខាន់ណាស់ សម្រាប់ភ្នាក់ងារអចលនទ្រព្យនៅយុគសម័យនេះ។
២. ការវាយតម្លៃអចលនទ្រព្យប្រចាំឆ្នាំ
យើងមិនត្រូវគិតថាជាភ្នាក់ងារថ្មី មិនទាន់មានអតិថិជនច្រើន ហើយធ្វើការវាយតម្លៃអចលនទ្រព្យមិនបាននោះទេ ។ យើងត្រូវចាប់ផ្ដើមការងារនេះ នៅក្នុងចំណោមមនុស្សដែលយើងស្គាល់សិន ដូចជាមិត្តភក្ដិ ក្រុមគ្រួសារ បងប្អូន សាច់ញាតិអ្នកភូមិរបស់យើង មិត្តរួមអាជីពជាដើម។
៣. ចូលរៀនវគ្គជំនាញខ្លីៗ
អ្វីដែលប្រសើរបំផុត សម្រាប់អាជីពជាភ្នាក់ងារអចលនទ្រព្យនោះ គឺអតិថិជនមាននៅគ្រប់ទីកន្លែង។ គ្រប់សកម្មភាព ដែលយើងមានទំនាក់ទំនង ជាមួយបុគ្គលណាមួយនោះ ជាប្រភពសម្រាប់វិស័យអចលនទ្រព្យ ឬជាអតិថិជនរបស់យើង។
យើងអាចនិយាយងាយៗបានថា ប្រសិនបើយើងចង់បង្កើតការលក់ យើងត្រូវបង្កើនសកម្មភាព នៃការទំនាក់ទំនងឱ្យបានកាន់តែច្រើនដូចគ្នា ។ ការចូលរៀនវគ្គខ្លីៗ គឺជាវិធីសាស្ត្រមួយយ៉ាងល្អសម្រាប់ភ្នាក់ងារអចលនទ្រព្យថ្មី។
៤.ការផ្ដល់កាហ្វេជូនអតិថិជនដោយឥតគិតថ្លៃ
នេះជាគំនិតមួយល្អ គឺយើងប្រើស្នាមញញឹមនៅលើផ្ទៃមុខរបស់យើង សម្រាប់ទំនាក់ទំនងជាមួយមនុស្សម្នាទាំងឡាយ ក៏ប៉ុន្តែយើងត្រូវចំណាយច្រើនបន្តិច ដូចជាទៅហាងកាហ្វេ នៅទីតាំងភូមិសាស្ត្រដែលយើងកាន់កាប់ រួចកុម្មង់កាហ្វេជូនអ្នក ដែលមានសក្ដានុពលសម្រាប់អាជីពរបស់យើង។
៥.ចូលរួមម្មវិធីផ្សេងៗឱ្យបានច្រើន
ការចូលរួមកម្មវិធីនានា នឹងធ្វើឱ្យយើងស្គាល់មនុស្សកាន់តែច្រើន ហើយការស្គាល់មនុស្សគឺការកសាងទំនាក់ទំនងជាមួយពួកគេ សម្រាប់អាជីពក្នុងវិស័យអចលនទ្រព្យ។
ទាំងនេះគ្រាន់តែជាយុទ្ធសាស្ត្រមួយចំនួន សម្រាប់អ្នកដែលជាភ្នាក់ងារអចលនទ្រព្យថ្មីៗ ក្នុងការគិតពិចារណានិងអនុវត្តន៍ប៉ុណ្ណោះ ។ យ៉ាងជាអ្នកក្នុងវិស័យអចលនទ្រព្យ សុទ្ធតែមានយុទ្ធសាស្ត្ររៀងៗខ្លួន ក្នុងការស្វែងរកអតិថិជន៕
