កូរ៉េខាងត្បូង៖យោងតាមការ ចេញផ្សាយពីគេហទំព័រ koreaboo បានប្រាប់ឲ្យដឹងថា ការបង្ហោះថ្មីៗរបស់ក្រុម តារាចម្រៀងនារីកូរ៉េខាងត្បូងល្បីល្បាញលំដាប់ពិភពលោក 2NE1 សម្រាប់ ខួបលើកទី ១៧ កំពុងតែលើកឡើងនូវសំណួរ អំពីជំហររបស់សមាជិក បច្ចុប្បន្នជាមួយនាង Park Bom ជាសមាជិករបស់ក្រុម។
នាថ្ងៃទី ១៧ ខែឧសភា ឆ្នាំ ២០២៦ នាង Sandara Park បានប្រារព្ធខួបលើកទី ១៧ នៃក្រុមចម្រៀងនារី K-Pop ដ៏ល្បីល្បាញ ដោយបង្ហោះរូបថតសមាជិកទាំង ៤ នាក់ជាមួយគ្នា។ រួមជាមួយរូបភាព នាងបានសរសេរថា “រីករាយខួបលើកទី 17!!!”
រូបថតទាំងនោះមាននាង CL នាង Sandara Park នាង Gong Minzy និងនាង Park Bom ជាមួយគ្នា ដោយទាក់ទាញចំណាប់អារម្មណ៍ទៅលើភាពជិតស្និទ្ធរបស់សមាជិកទាំង ២ ។នាង Gong Minzy ក៏បានកត់សម្គាល់ឱកាសនេះដោយចែករម្លែករូបថតដូចគ្នានៅលើគណនីផ្ទាល់ខ្លួនរបស់នាង ដោយសរសេរថា “រីករាយខួបលើកទី ១៧ ដល់ពួកយើង”។
ការបង្ហោះទាំងនេះបានទាក់ទាញចំណាប់អារម្មណ៍យ៉ាងឆាប់រហ័ស ដោយសារតែនាង Park Bom ថ្មីៗនេះបានអវត្តមានពីសកម្មភាពរបស់ 2NE1។ ពីមុននាងបានផ្អាកសកម្មភាពជាមួយក្រុមដោយសារហេតុផលសុខភាព ហើយចាប់តាំងពីពេលនោះមក 2NE1 បានផ្សព្វផ្សាយជាក្រុមដែលមានសមាជិកបីនាក់។
ទោះជាយ៉ាងណាក៏ដោយ ការសម្រាករបស់នាងត្រូវ បានបន្តដោយពាក្យចចាម អារ៉ាមអំពីភាពតានតឹងក្នុងក្រុម។ កាលពីខែមីនា នាង Park Bom បានបង្ហោះសារមួយដែលហាក់ ដូចជានិយាយអំពីរឿងអាស្រូវគ្រឿងញៀន របស់នាងកាលពីអតីតកាល ហើយហាក់ដូចជានិយាយអំពីនាង Sandara Park។ សារនេះបានបង្កឲ្យមាន ការសង្ស័យក្នុងចំណោមអ្នកគាំទ្រ ជាពិសេសបន្ទាប់ពីនាង Sandara Park បានឆ្លើយតបដោយបដិសេធ យ៉ាងម៉ឺងម៉ាត់ថា នាងមិនបានប្រើប្រាស់គ្រឿងញៀនទេ៕
