កូរ៉េខាងត្បូង៖យោងតាមការ ចេញផ្សាយពីគេហទំព័រ koreaboo បានប្រាប់ឲ្យដឹងថា សមាជិកក្រុមតារាចម្រៀង នារីកូរ៉េខាងត្បូង BLACKPINK នាង Lisa បានល្បីពេញ ប្រពន្ធអ៊ីនធើណេត ដោយសារការប្រាស្រ័យ ទាក់ទងគ្នាជាមួយអ្នកគាំទ្រ មិនធម្មតារបស់នាង។
ការប្រាស្រ័យទាក់ទងគ្នានេះដំបូងឡើយ បានកើតឡើងក្នុងព្រឹត្តិការណ៍ចាក់បញ្ចាំង លើកដំបូងនៃរឿង The White Lotus នៅទីក្រុងបាងកក ដែលជាការបង្ហាញខ្លួនជា លើកដំបូងក្នុងការសម្ដែងរបស់នាង Lisa។
វីដេអូមួយកំពុងល្បីពេញអ៊ីនធើណេត ស្ត្រីវ័យចំណាស់ម្នាក់ត្រូវបានគេឃើញរង់ចាំដោយភ័យខ្លាចនៅជុំវិញ នាង Lisa ដើម្បីប្រគល់បាយស្អិតស្វាយ ដល់នាង ដែលជាបង្អែមថៃដ៏ល្បី។ ទោះជាយ៉ាងណាក៏ដោយ តារាចម្រៀងរូបនេះត្រូវ បានហ៊ុំព័ទ្ធដោយភ្ញៀវ និងបុគ្គលិកផ្សេងទៀត ស្ត្រីវ័យអាចរង់ចាំពីចម្ងាយប៉ុណ្ណោះ ដោយរង់ចាំឱកាសដើម្បីទៅរកនាង។ នាង Lisa ហាក់ដូចជាបានកត់សម្គាល់ឃើញនាងនៅទីបំផុត ហើយស្ត្រីរូបនោះបានដើរទៅរកនាងដោយខ្មាសអៀន ដោយប្រគល់ប្រអប់បាយស្អិតឲ្យនាង។
សមាជិក BLACKPINK រូបនេះត្រូវបានគេឃើញ កំពុងឱនក្បាលចុះទៅកាន់ស្ត្រីរូបនេះ ហើយក៏បានឱនចុះ ដើម្បីស្ដាប់អ្វីដែលស្ត្រីវ័យ កំពុងនិយាយដោយរាបសារដោយដៃទាំងសង្ខាង ។ នាងបានជជែកជាមួយស្ត្រីវ័យមួយសន្ទុះដោយគោរពបំផុត ហើយថែមទាំង បានថតរូបជាមួយនាងទៀតផង។
ទោះបីជាហេតុការណ៍នេះ បានកើតឡើងកាលពីពេលមុនក៏ដោយ វីដេអូឃ្លីបនៃអន្តរកម្មនេះ ត្រូវបានគេបង្ហោះឡើងវិញនៅលើបណ្តាញសង្គម ដោយទទួលបានការសរសើរយ៉ាងខ្លាំង ចំពោះភាពកក់ក្តៅ និងការដឹងគុណយ៉ាងពិតប្រាកដរបស់ Lisa ចំពោះអ្នកគាំទ្ររបស់នាង៕
