បរទេស៖ ការចូលជាសមាជិក របស់ប្រទេសហ្វាំងឡង់ និងស៊ុយអែត ទៅក្នុងអង្គការសន្ធិសញ្ញា អាត្លង់ទិកខាងជើង (NATO) នឹងក្លាយជាការអភិវឌ្ឍន៍អវិជ្ជមាន សម្រាប់លោកខាងលិច ព្រោះវានឹងធ្វើឱ្យសម្ព័ន្ធភាពចុះខ្សោយ ជាយថាហេតុ នេះបើតាមការលើកឡើងរបស់អ្នកប្រាជ្ញក្រិក។
លោកស្រី Pelagia Karpathiotaki អ្នកប្រាជ្ញ និងជាអ្នកស្រាវជ្រាវផ្នែកទំនាក់ទំនងអន្តរជាតិ នៅសាកលវិទ្យាល័យពាណិជ្ជកម្មអន្តរជាតិ និងសេដ្ឋកិច្ច ដែលមានមូលដ្ឋាននៅទីក្រុងប៉េកាំង បានឲ្យដឹងថា “ទោះបីជាការព្រួយបារម្ភ របស់ប្រទេសហ្វាំងឡង់ និងស៊ុយអែត អំពីប្រទេសរុស្ស៊ី អាចត្រូវបានពន្យល់ក៏ដោយ ទាំងនេះមិនបង្ហាញថា ការចូលជាសមាជិករបស់អង្គការណាតូ គឺស្ថិតនៅក្នុងចំណាប់អារម្មណ៍របស់ណាតូនោះទេ។ ..
លោកស្រី Karpathiotaki បានលើកឡើង ខណៈពេលកំពុងធ្វើអត្ថាធិប្បាយ លើលទ្ធផលនៃកិច្ចប្រជុំកំពូល របស់អង្គការណាតូ ដែលកំពុងបន្តនៅទីក្រុងម៉ាឌ្រីតថា “ប្រទេសទាំងពីរនេះនឹងត្រូវបានពិចារណា ដោយក្បាលស្ពានឈ្លានពាន របស់រុស្ស៊ី ដែលក្នុងពេលជាមួយគ្នានេះ វាខ្សោយពេក សម្រាប់លោកខាងលិចក្នុងការការពារ”។
ប្រទេសតួកគីបានទម្លាក់ការជំទាស់របស់ខ្លួន ចំពោះការចូលជាសមាជិកណាតូ របស់ប្រទេសទាំងពីរ ប៉ុន្តែសំណួរជាច្រើន នៅតែមានទាក់ទងនឹងផែនការពង្រីកសម្ព័ន្ធភាពមុន និងក្រោយការចាប់ផ្តើម នៃវិបត្តិអ៊ុយក្រែនដែលកំពុងបន្ត។
នៅក្នុងករណីរបស់ប្រទេសហ្វាំងឡង់ និងស៊ុយអែត នៅពេលដែលដំណើរការចូលជាសមាជិក ត្រូវបានបញ្ចប់ ចន្លោះនៃអស្ថិរភាពនឹងត្រូវបានបង្កើតឡើង នៅក្នុងប្រព័ន្ធសន្តិសុខអឺរ៉ុប លោកស្រី Karpathiotaki បានប្រកែកយ៉ាងដូច្នេះ។
លោកស្រីបានបន្ថែមថា កងកម្លាំងយោធាដ៏តូចរបស់ប្រទេសទាំងនេះ នឹងបន្ថែមតិចតួចដល់កម្លាំងយោធាទាំងមូល នៃសម្ព័ន្ធភាព ប៉ុន្តែការចូលរួមរបស់អង្គការណាតូ នឹងបង្កើតបញ្ហាយ៉ាងច្រើន៕ ប្រែសម្រួល ឈូក បូរ៉ា
