វែលស៍ ៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា កម្រិតទឹកធ្លាក់ចុះបានបង្ក ឲ្យមានគ្រោះរាំងស្ងួតជាផ្លូវការ នៅភាគនិរតីនៃប្រទេសវែលស៍ ខណៈតំបន់នេះតាមដានផលប៉ះពាល់ នៃរលកកម្ដៅ ដែលបានពង្រីកកាលពីសប្តាហ៍មុន ។
ធនធានធម្មជាតិ Wales (NRW) និយាយថា កម្រិតដែលបង្កឲ្យមានស្ថានភាព នៃគ្រោះរាំងស្ងួតត្រូវបានសម្រេចនៅថ្ងៃនេះ ដោយការសម្រេចចិត្ត ត្រូវបានធ្វើឡើង ជាមួយនឹងក្រុមទំនាក់ទំនងគ្រោះរាំងស្ងួតរបស់រដ្ឋាភិបាល ។ តំបន់ដែលរងផលប៉ះពាល់រួមមាន តំបន់សេរេឌីជីនខាងជើង តំបន់ Teifi តំបន់ Pembrokeshire តំបន់ Carmarthen តំបន់ Swansea តំបន់ Llanelli តំបន់Neath Port Talbot និង តំបន់ Bridgend ។
តំបន់ Pembrokeshire និងផ្នែកខ្លះនៃ Carmarthenshire ក៏កំពុងប្រឈមមុខនឹងការហាមឃាត់បំពង់ ទុយោផងដែរ ដោយសារការផ្គត់ផ្គង់ទឹកធ្លាក់ចុះ។ Natalie Hall មកពី NRW បាននិយាយថា អាកាសធាតុស្ងួត យូរអាចនាំឲ្យមានគ្រោះរាំងស្ងួត នៅពេលទឹកភ្លៀង នៅតែមានកម្រិតទាប ។
នេះអាចប៉ះពាល់ដល់ជម្រក និងប្រភេទសត្វដ៏មានតម្លៃបំផុតរបស់យើង ក៏ដូចជាប្រព័ន្ធដែលយើង ជារឿយៗទទួលយកបាន ដូចជាការផ្គត់ផ្គង់ទឹក របស់យើង ។ យើងបានសម្រេចចិត្តប្រកាសពីស្ថានភាពគ្រោះ រាំងស្ងួតនៅភាគនិរតី នៃប្រទេស Wales បន្ទាប់ពីវាច្បាស់ណាស់ថា ការខ្វះខាតទឹកភ្លៀង និងកម្ដៅថ្មីៗនេះបានធ្វើឲ្យមានភាពតានតឹង យ៉ាងខ្លាំងលើទន្លេ អាងស្តុកទឹក និងកម្រិតទឹកក្រោមដីរបស់យើង ។
ខណៈខ្លះនៃប្រទេស Wales អាចនឹងមានភ្លៀងធ្លាក់ វានៅតែអាចចំណាយពេលយូរ ដើម្បីសង្គ្រោះពីគ្រោះរាំងស្ងួត ដោយធ្វើឲ្យទឹកក្លាយជាធនធាន ដ៏មានតម្លៃ ។ យោងតាម NRW បានឲ្យដឹងថា ត្រឹម ៦៥,៥ភាគរយនៃទឹកភ្លៀងជាមធ្យម នៅតំបន់បានធ្លាក់ ចុះកាលខែកក្កដា បណ្តាលឲ្យកម្រិត ទឹកទន្លេទាប ជាងការរំពឹងទុកសម្រាប់ឆ្នាំនេះ ដោយប្រទេសដែលនៅសល់ជួបប្រទះ រយៈពេលប្រាំខែស្ងួតបំផុតក្នុងរយៈពេល ៤០ឆ្នាំ៕
