គៀវ៖ មន្ត្រីអ៊ុយក្រែន ទទួលស្គាល់ថា អ៊ុយក្រែននៅពីក្រោយ ការវាយប្រហារ ដោយមីស៊ីល លើមូលដ្ឋានទ័ពអាកាសរុស្ស៊ី នៅឧបទ្វីបគ្រីមៀ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន អ៊ុយក្រែន Newsweek។
ការអះអាងនៃការទទួលខុសត្រូវ បានកើតឡើងក្នុងទម្រង់ជាអត្ថបទដ៏វែងមួយ ដែលសរសេរដោយមេដឹកនាំ យោធាកំពូលអ៊ុយក្រែន និងសមាជិកសភា ដែលត្រូវបានបោះពុម្ពផ្សាយ កាលពីថ្ងៃពុធនៅលើគេហទំព័រ Ukrinform ដែលគ្រប់គ្រងដោយរដ្ឋ។
ការទទួលស្គាល់ការវាយប្រហារ កាលពីខែសីហាលើតំបន់គ្រីមៀ ដែលជាតំបន់ភូមិសាស្ត្រ lynchpin និងជាគោលដៅវិស្សមកាលរដូវក្តៅ បង្ហាញពីការត្រលប់មកវិញ បន្ទាប់ពីមន្ត្រីអ៊ុយក្រែន ពីមុនបានបដិសេធសំណួរ អំពីការចូលរួមរបស់ពួកគេ ហើយកើតឡើងចំពេល មានការអំពាវនាវជាថ្មីពីរដ្ឋធានីគៀវ របស់អ៊ុយក្រែន ដើម្បីដណ្តើមយកឧបទ្វីបគ្រីមៀមកវិញ។
អត្ថបទនេះត្រូវបានសរសេរដោយលោក Valery Zaluzhnyi អគ្គមេបញ្ជាការ នៃកងកម្លាំងប្រដាប់អាវុធអ៊ុយក្រែន រួមជាមួយនឹងលោក Mykhailo Zabrodskyi មន្ត្រីយោធាចូលនិវត្តន៍ ដែលឥឡូវនេះមានតំណែង នៅក្នុងគណៈកម្មាធិការការពារជាតិ ក្នុងសភាអ៊ុយក្រែន។
កងកម្លាំងអ៊ុយក្រែនអាចមើលឃើញ “ចំណុចរបត់” នៅឆ្នាំ២០២៣ ប្រឆាំងនឹងយោធារបស់រុស្ស៊ី ដោយប៉ះពាល់ដល់ “ចំណុចកណ្តាលនៃទំនាញ” របស់វា។ ជាពិសេស អ្នកទាំងពីរបានលើកឡើងថា ការវាយប្រហាររបស់អ៊ុយក្រែន លើអាកាសយានដ្ឋានគ្រីមៀ នាំមកនូវជម្លោះកាន់តែខិត ទៅជិតជនជាតិរុស្ស៊ី ដែលភាគច្រើនពួកគេវិស្សមកាល នៅឧបទ្វីបសមុទ្រខ្មៅ។ ការវាយប្រហារ នៅគ្រីមៀ បានធ្វើឲ្យអ្នកវិស្សមកាលរុស្ស៊ី ភ័យស្លន់ស្លោ ពេលពួកគេព្យាយាមភៀសខ្លួន៕ ប្រែសម្រួល ឈូក បូរ៉ា
