អង់គ្លេស ៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា យានជំនិះនេះនឹងដំណើរ ការជាមួយអ្នកបើកបរពីចម្ងាយ សម្រាប់ការធ្វើដំណើរមួយចំនួន ដោយក្រុមហ៊ុន រថយន្ត បាននិយាយថា អាចជួយដល់អ្នកធ្វើដំណើរ នូវសុវិត្តិភាពសម្រាប់ជីវិត សម្រាប់ក្នុងឧស្សាហកម្មដឹកជញ្ជូន ។
ក្រុមហ៊ុនផលិត រថយន្ត របស់អង់គ្លេស គឺជាផ្នែកមួយ នៃសម្ព័ន្ធដែលបានទទួលរង្វាន់ទឹកប្រាក់ ៦.៦ លានផោន ក្នុងការផ្តល់មូលនិធិ ពីរដ្ឋាភិបាល ដើម្បីបង្កើតរថយន្តដឹកទំនិញធុនធ្ងន់ ដើរដោយថាមពលអ៊ីដ្រូសែន ដំបូងបង្អស់ របស់ពិភពលោកសម្រាប់ Asda សម្រាប់ការសាកល្បង ។
ប្រព័ន្ធ Hydrogen Vehicle Systems (HVS) មានមូលដ្ឋាន នៅទីក្រុង Glasgow កំពុងអភិវឌ្ឍគំរូ HGVs ចំនួន២ជាផ្នែកមួយ នៃក្រុមដែលរួមមានផ្សារ ទំនើបយក្ស Asda ។ សមាជិកទី៣នៃសម្ព័ន្ធគឺក្រុមហ៊ុនបច្ចេកវិទ្យា បើកបរដោយខ្លួនឯង របស់ចក្រភពអង់គ្លេស Fusion Processing ។
គម្រោងនេះ ត្រូវបានគេប៉ាន់ប្រមាណថា នឹងចំណាយអស់ ១២ លានផោន ដោយរថយន្តមួយក្នុង ចំណោមយានជំនិះ នឹងត្រូវបំពាក់ ជាមួយកាប៊ីនអ្នកបើកបរ និងត្រូវបានសាកល្បង នៅលើដងផ្លូវ ដោយដំណើរការដោយស្វ័យភាព ប៉ុន្តែជាមួយ នឹងអ្នកបើកបរ ។
មួយទៀតនឹងដំណើរការ ដោយគ្មានកាប៊ីនអ្នកបើកបរ ហើយត្រូវបានវាយតម្លៃលើផ្លូវសាកល្បង ជាមួយនឹងអ្នកបើកបរ ដែលដំណើរការវាពីចម្ងាយ។
តាមរយៈបច្ចេកវិទ្យាឧបករណ៍ចាប់សញ្ញា កាមេរ៉ា និងបញ្ញាសិប្បនិម្មិត វាត្រូវបានគេសង្ឃឹមថា រថយន្តនឹងដំណើរ ការជាមួយអ្នកបើកបរពីចម្ងាយ សម្រាប់ការធ្វើដំណើរមួយចំនួន។ HVS សង្ឃឹមថាយានជំនិះអាចជួយដោះស្រាយ បញ្ហាក្នុងឧស្សាហកម្មដឹកជញ្ជូន ដូចជាកង្វះអ្នកបើកបរជាដើម៕
