ព័ត៌មានអន្តរជាតិ
គ្រោះរញ្ជួយដី កម្រិត៦,៤រ៉ិចទ័រ វាយប្រហារតំបន់មួយចំនួននៅប៉ាគីស្ថាន បង្កឲ្យមានអ្នករងរបួសជាច្រើននាក់
ឥស្លាម៉ាបាដ៖ ទីភ្នាក់ងារព័ត៌មានចិនស៊ិនហួបានចុះផ្សាយនៅថ្ងៃទី១៣ ខែកុម្ភៈ ឆ្នាំ២០២១ថា មន្ត្រីមួយរូបមកពីនាយកដ្ឋានឧតុនិយមរបស់ប្រទេសប៉ាគីស្ថាន បានប្រាប់ដល់ស៊ិនហួថា គ្រោះរញ្ជួយដីមួយកម្រិត៦,៤រ៉ិចទ័រ បានវាយប្រហារមកលើតំបន់មួយចំនួនរបស់ប្រទេសប៉ាគីស្ថាន កាលពីយប់ថ្ងៃសុក្រ ។ លោក Muhammad Riaz ដែលជាមន្ត្រីមកពីនាយកដ្ឋានខាងលើបាននិយាយថា មានរញ្ជួយដ៏ខ្លាំង បានកើតឡើងនៅតំបន់ជាច្រើននៃប្រទេស ។ លោកបានឲ្យដឹងទៀតថា ចំណុចកណ្តាលនៃគ្រោះរញ្ជួយដីនេះត្រូវបានគេកំណត់ទីតាំង នៅតំបន់ព្រំដែនអាហ្វហ្គានីស្ថានតភ្ជាប់មកកាន់ តាហ្ស៊ីគីស្ថាន ដែលមានជម្រៅ៨០គីឡូម៉ែត្រ...
