ព្រះអង្គម្ចាស់ Tunku Ismail ibni Sultan Ibrahim នៅរដ្ឋ Johor ប្រទេសម៉ាឡេស៊ី បានចាប់អារម្មណ៍ទិញយកក្លឹបបាល់ទាត់ Valencia ក្នុងប្រទេសអេស្ប៉ាញដែលកំពុងដុនដាបខ្លាំង។
សេដ្ឋីប្រាក់លានខាងលើនេះ គឺជាម្ចាស់ក្លឹប Johor Darul Takzim FC (Johor Tigers) ដែលជាក្លឹបខ្លាំងមួយនៅម៉ាឡេស៊ី ដែលឈ្នះជើងឯកសឹងរាល់ឆ្នាំទៅហើយ ។ ក្លឹបមួយនេះ មិនត្រូវការ Sponsor អ្វីនោះទេ ដោយសារតែព្រះអង្គម្ចាស់ Tunku មានប្រាក់គ្រប់គ្រាន់ ក្នុងការចំណាយទៅលើក្លឹប ។ ត្រឹមវ័យ៣៦ឆ្នាំនេះ ព្រះអង្គបានវិនិយោគ ទៅលើក្រុមហ៊ុនជាច្រើន ដែលធ្វើឱ្យចំណូលកើនឡើងជារៀងរាល់ឆ្នាំ។
ថ្មីៗនេះ មានដំណឹងមកថា ព្រះអង្គម្ចាស់ក៏កំពុងចាប់អារម្មណ៍ក្លឹប Valencia នៅអេស្ប៉ាញផងដែរ ។ ក្លឹបដែលមានម្ចាស់ឈ្មោះ Peter ជនជាតិសិង្ហបុរីមួយនេះកំពុងយ៉ាប់យ៉ឺន ដោយសារតែវិបត្តិជាច្រើន ដោយស្ទើរតែដួលទៅហើយ ។ ដូច្នេះហើយ ទើបបានជាលោក Peter ប្រកាសស្វែងរកម្ចាស់ថ្មី។