ប្រធានសហព័ន្ធបាល់ទាត់ធំបំផុតរបស់អ៊ឺរ៉ុប UEFA ព្រមទាំងគណកម្មការផង បានចេញនូវសេចក្តីថ្លេងការណ៍មួយនៅថ្ងៃនេះថា Champion League នឹងបន្ត
ធ្វើការដោយមិនចាំបាច់មាន ការចូលរួមពីសំណាក់ក្លឹបឬកីឡាករទាំងឡាយដែលជា ស្ថាបនិកនៃពានរង្វាន់ថ្មីមួយទៀតគឺ Super League នោះឡើយ។
ប្រធាន UEFA លោក Alexander Ceferin បានប្រកាសសន្យាថានឹងដាក់ពិន័យ ចំពោះអ្នកចូលរួមទាំងឡាយនៅក្នុងពានរង្វាន់ថ្មីដែល ត្រូវបានដាក់ឈ្មោះថា
Super League ហើយបញ្ជាក់ទៀតថាកីឡាករទាំងឡាយដែលនឹងចូលរួមនឹងត្រូវរងបម្រាមមិនឲ្យចូលរួមព្រឹត្តិការណ៍ World Cup និង Euros ឡើយ។
គួរឲ្យដឹងដែរថាមកដល់ពេលនេះ មានក្លឹបធំៗចំនួន១២មកហើយដែលមានប្រភព មកពីលីគកំពូលទាំងឡាយរបស់អ៊ឺរ៉ុបដែលបានបង្ហាញបំណង ចង់បង្កើតជាលីគកំពូល
Super League នេះឡើងប៉ុន្តែលោក Ceferin បានបញ្ជាក់ថា Champion League នឹងបន្តធ្វើការជាធម្មតាដោយមិនចាំបាច់មានវត្តមាន របស់ក្លឹបទាំងនោះឡើយ៕ ប្រែសម្រួល៖ស៊ុនលី
