ការប្រកួតពានរង្វាន់ UEFA Champions League វគ្គពាក់កណ្ដាលផ្ដាច់ព្រ័ត្រនៅសប្ដាហ៍ក្រោយ នឹងដំណើរការទៅជាធម្មតា មិនមានផ្អាកឬដកក្រុមណាចេញនោះទេ។
នៅវគ្គពាក់កណ្ដាលផ្ដាច់ព្រ័ត្រនេះ មានក្លឹប៣ ដែលមានឈ្មោះជាសមាជិក នៃ European Super League ។ ស្របពេល UEFA កន្លងមកមានបំណងចង់ដកក្លឹបទាំង៣នេះ ចេញពីការប្រកួតថែមទៀតផង ប្រសិនបើពួកគេចង់ទៅលេងនៅ Super League មែន។ តែថ្ងៃនេះគ្រប់យ៉ាងបានធូរស្បើយបន្តិចហើយ ក្រោយពី Chelsea និង Man City បានប្រកាសដកខ្លួនចេញវិញ ពី Super League នៅសល់តែ Real Madrid មួយប៉ុណ្ណោះ។
ដោយសារតែមើលឃើញពីពន្លឺ នៃការដកថយនេះហើយ ទើបបានជា UEFA បានបញ្ជាក់ថា ការប្រកួតនៅសប្ដាហ៍ក្រោយ នឹងដំណើរការទៅជាធម្មតា មិនមានដកក្រុមណាចេញនោះទេ។ ដូច្នេះក្រុមទាំងអស់អាចត្រៀម ខ្លួនសម្រាប់ការប្រកួតដ៏ ស្វិតស្វាញបាននៅពេលខាងមុខ ៕
