ខ្សែបម្រើ Bruno Fernandes បាននិយាយសរសើរខ្សែបម្រើ Paul Pogba ខ្លាំងៗ នៅក្នុងកិច្ចសម្ភាសន៍ជាមួយ MUTV បន្ទាប់ពីជួយ Manchester United ឈ្នះ Leeds United ក្នុងលទ្ធផល ៥-១ ក្នុងប្រកួតបើកឆាក Premier League ដំបូងក្នុងរដូវកាលថ្មីឆ្នាំ២០២១/២២នេះ កាលពីថ្ងៃសៅរ៍កន្លងទៅ។
Bruno បាននិយាយថា៖” Pogba គាត់ធ្វើបានល្អណាស់ គាត់ជាកីឡាករ ដែលមានមាឌធំមាំទាំម្នាក់។ ម្នាក់ៗដឹងពីគាត់ច្បាស់ណាស់ ហើយខ្ញុំសង្ឃឹមថាគាត់នឹងអាចធ្វើឲ្យកាន់តែបានល្អជាងនេះទៅទៀត ព្រោះខ្ញុំគិតថា គាត់នៅអាចធ្វើបានល្អជាងនេះទៀត។ ខ្ញុំច្បាស់ណាស់ គាត់អាច Assist បាល់ឲ្យក្រុមក្នុង១ប្រកួត រហូតដល់ ៥ ទៅ៦ដងឯណោះ “។
កីឡាករនេះបន្តថា ៖” គាត់ជាកីឡាករដ៏មាន គុណភាពមួយរូប។ ពួកយើងជឿជាក់លើគាត់ យើងដឹងច្បាស់ណាស់ ពីអ្វីដែលគាត់ធ្វើមកលើក្រុមរបស់យើង ជាក់ស្ដែងដូចជាការ ជួយក្រុមឲ្យលេងឈ្នះ ដូចការប្រកួតកន្លងទៅនេះ និង ជួយក្រុមឲ្យកាន់តែល្អប្រសើរ ” ៕
