ក្លឹប PSG ត្រូវបានរាយការណ៍ថា នឹងដាក់សំណើទៅកាន់ Paul Pogba ដោយផ្ដល់ថ្លៃពលកម្មជាង៧០ម៉ឺនដុល្លារ ក្នុងមួយសប្ដាហ៍ ប្រសិនបើចូលរួមជាមួយពួកគេដោយគ្មានតម្លៃខ្លួននៅរដូវកាលក្រោយ។
ខ្សែបម្រើសញ្ជាតិបារាំងកំពុងស្ថិងក្នុងកុងត្រាឆ្នាំចុងក្រោយជាមួយ Manchester United ហើយធ្លាប់ត្រូវបានទាក់ទងផ្លាស់ទៅកាន់ Paris នៅរដូវក្ដៅនេះ។ ប៉ុន្តែដោយសារតែវត្តមានរបស់ Lionel Messi បានធ្វើឲ្យ PSG ផ្អាករឿង Pogba សិន។
បើយោងតាមសារព័ត៌មាន Independent ឲ្យដឹងថា PSG នៅតែបន្តចាប់អារម្មណ៍លើ Pogba។ ហើយហ៊ានឲ្យថ្លៃពលកម្មខ្ពស់ ប្រសិនបើមកចូលរួមជាមួយពួកគេ ពេលដែលកុងត្រារបស់គេអស់ជាមួយ United នៅចុងបញ្ចប់រដូវកាលនេះ។
PSG ហ៊ានឲ្យថ្លៃនឿយហត់ដល់ Pogba ៧០ម៉ឺនដុល្លារក្នុងមួយសប្ដាហ៍ (រង្វង់ក្បែរ៣លានដុល្លារក្នុងមួយខែ)។ កីឡាករវ័យ២៨ឆ្នាំក៏មានការទាក់ទងចង់បានពី Real Madrid ដូចគ្នា។ ដូច្នេះហើយ PSG បានប្រើយុទ្ធសាស្រ្ដទឹកលុយដើម្បីទាក់ចិត្ត Pogba៕
