កីឡាករសញ្ជាតិទួរគី Aykut Demir បានចេញមកការពារ នៃការសម្រេចចិត្ត មិនពាក់អាវមានពាក្យ “No To War” ក្នុងជំនួបប្រកួតកាលពីថ្ងៃអាទិត្យ។
បាល់ទាត់នៅជុំវិញពិភពលោក បានរួបរួមគ្នាគាំទ្រ ប្រទេសអ៊ុយក្រែន អំឡុងពេលកំពុងត្រូវបានឈ្លានពាន ពីប្រទេសរុស្សីអស់មួយសប្ដាហ៍មកនេះ។ ប៉ុន្តែ Demir បានពន្យល់ហេតុអ្វីបានជាគេមិនធ្វើដូចកីឡាករដទៃ ក្នុងការប្រកួតរបស់ក្រុមខ្លួន ។
ខ្សែការពារវ័យ៣៣ឆ្នាំ ពាក់ស្លាកប្រធានក្រុម នៃក្លឹប BB Erzurumspor ក្នុងជំនួបបរាជ័យដោយថ្វីជើង ក្រុមកំពូលតារាង Ankaragucu នៃលីគទីពីរប្រទេសទួរគី។ គេបានឈរជិតមិត្តរួមក្រុម និងសម្រេចចិត្ត មិនពាក់អាវមានពាក្យ “No To War” ឬ “ទេចំពោះសង្គ្រាម” ។
សម្រាប់ហេតុផលនេះ Demir បាននិយាយថា មនុស្សរាប់ពាន់អ្នកស្លាប់ ជារៀងរាល់ថ្ងៃនៅមជ្ឈិមបូព៌ា ។ តែគ្មានអ្នកអើពើ ហើយបែរជាអ្នកគ្នាផ្ទុះការគាំទ្រ ពេលដែលសង្គ្រាមកើតឡើងនៅអឺរ៉ុប ៕