The Goal ចេញផ្សាយនៅថ្ងៃនេះបានឲ្យដឹងថា ក្លឹបហូឡង់ Ajax នឹងអាចទទួលបានអត្ថប្រយោជន៍ ជាច្រើនផ្សេងទៀត ក្រៅតែពីតម្លៃខ្លួនរបស់កីឡាករឆ្នើម Lisandro Martinez ជាពិសេស នៅពេលដែលគាត់ចាប់ផ្តើមបង្ហាញខ្លួន ក្នុងការប្រកួតដំបូងឲ្យ Man UTD។
ប្រភពដដែលបានសរសេរទៀតថា ក្រៅពីកុងត្រាតម្លៃខ្លួន ហើយនោះ Ajax នឹងអាចទទួលបានប្រាក់ ចំណូលមួយចំនួនទៀតផងដែរ ពីគ្រប់ការប្រកួត បង្ហាញខ្លួនទាំង៣០លើកដំបូង ឲ្យក្លឹប Man UTD ដែលក្នុងនោះ មានដូចជាប្រាក់៥៦០០០ផោន ក្នុងមួយប្រកួត ។
លើសពីនេះប្រាក់រង្វាន់ទៅឲ្យ Ajax នេះនឹងត្រូវធ្វើឡើងនៅគ្រប់រដូវកាល ទាំង៥ឆ្នាំនៅក្នុងកុងត្រា ឬមានន័យថាក្លឹប Ajax នឹងអាចទទួលបានប្រាក់បន្ថែម រហូតទៅដល់១,៧លានផោន ក្នុងមួយឆ្នាំពីកុងត្រារបស់ Martinez ៕
ប្រែសម្រួល៖ស៊ុនលី
