កីឡាករឆ្នើមសញ្ជាតិអាមេរិក McKennie ដែលមានវ័យ២៣ឆ្នាំនោះ នឹងមិនអាចបង្ហាញខ្លួន ប្រកួតឲ្យក្លឹប Juventus ឡើយនៅពេលដែលរដូវកាលថ្មី ឈានចូលមកដល់ក្រោយ ពេលទទួលរបួសនៅក្នុងការហ្វឹកហាត់ នាពេលចុងក្រោយកន្លងមកនេះ។
នេះមានន័យថាកីឡាករ McKennie នឹងត្រូវចូលរួមជាមួយនឹង Paul Pogba ក្នុងបញ្ជីកីឡាករសំខាន់ៗ របស់ក្លឹបដែលទទួល រងរបួសហើយជឿជាក់ថា នឹងអាចអូសបន្លាយពេលវេលា សម្រាប់ព្យាបាលរបួសរហូត ទៅដល់ជាងមួយខែមុន ពេលដែលអាច ចូលមកធ្វើការហ្វឹកហាត់ វិញសាជាថ្មី ។
McKennie មិនអាចបង្ហាញខ្លួនលេងឲ្យ Juventus តាំងតែពីពេលដែលក្រុមបានលេងប៉ះ ជាមួយនឹងក្រុម Chivas និងក្រុម Barcelona នៅប្រទេសអាមេរិក ហើយព្រមទាំងការប្រកួតប៉ះនឹង Real Madrid កាលពីថ្ងៃអាទិត្យកន្លងមកដែរ។
គួរឲ្យដឹងដែរថា McKennie កាលពីពាក់កណ្តាលរដូវកាលមុន ក៏គាត់មិនបានលេងឲ្យក្រុមផងដែរ ហើយទើបតែវិលត្រឡប់មកប្រកួតវិញប៉ុណ្ណោះ នៅចុងរដូវកាលទៅហើយគឺចំថ្ងៃ នៃការប្រកួតចុងក្រោយ នៃរដូវកាល២០២១-២០២២៕
ប្រែសម្រួល៖ស៊ុនលី
