ឥណ្ឌូនេស៊ី៖ យោងតាមចេញផ្សាយផ្លូវការរបស់គេហទំព័រ Sports247 បានប្រាប់ឲ្យដឹងថា ឧត្តមសេនីយឯក Osoth Bhavilai បន្តកាន់តំណែងជាប្រធានសហព័ន្ធកីឡាអាស៊ាន សម្រាប់អាណត្តិថ្មីឆ្នាំ ២០២២-២០២៦ បន្ទាប់ពីបានឈ្នះការបោះឆ្នោត គណៈកម្មាធិការប្រតិបត្តិសហព័ន្ធកីឡាអាស៊ាន (APSF) (Exco) ដែលធ្វើឡើងនៅសណ្ឋាគារស្វីស-ប៊ែល ថ្ងៃនេះ។
លោក Maj Gen Bhavilai អាយុ ៧១ ឆ្នាំជាអគ្គលេខាធិការ គណៈកម្មាធិការជាតិ ប៉ារ៉ាឡាំពិកជាតិថៃ (NPC) ទទួលបានសំឡេងឆ្នោតចំនួន៧ នឹងប្រធានក្រុមប្រឹក្សាប៉ារ៉ាឡាំពិកម៉ាឡេស៊ី (PCM) លោក Dato Seri Megat D. Shahriman Zaharuddin ទទួលបានការបោះឆ្នោតមួយសំឡេង និង NPC របស់ប្រធានាធិបតីសិង្ហបុរី លោកបណ្ឌិត Teo-Koh Sock Miang២សំឡេង។
ប្រទេសសមាជិកសរុបចំនួន ១០ បានបោះឆ្នោតរបស់ពួកគេ នៃការបោះឆ្នោតរបស់ Exco ដែលពីមុនត្រូវបានពន្យារពេល ដោយសារតែការលុបចោលការប្រកួតចុងក្រោយ នៅទីក្រុងហាណូយបណ្តាលមកពីជំងឺរាតត្បាត។ មុននេះ ក្រុមប្រឹក្សាភិបាលបានប្រជុំមហាសន្និបាត ដែលពិភាក្សាអំពីកម្មវិធីកីឡា និងផែនការអនាគតរបស់សហព័ន្ធ។
លោក Osoth ជាសមាជិកដ៏យូរនៃក្រុមប្រឹក្សា APSF ចាប់តាំងពីការបង្កើតឡើងកាលឆ្នាំ ២០០១ហើយបានទទួលសញ្ញាប័ត្រអនុបណ្ឌិតផ្នែកសិល្បៈ។ ការចូលរួមរយៈពេលវែងរបស់លោក នៅក្នុងចលនាប៉ារ៉ាឡាំពិក រួមមានការបម្រើភាគីថៃ ក្នុងតួនាទីជា Chef-de-Mission របស់ខ្លួនសម្រាប់ការប្រកួតធំៗ មួយចំនួន រួមទាំងហ្គេមប៉ារ៉ាឡាំពិកផងដែរ។
APSF ដើរតួជាស្ថាប័នគ្រប់គ្រងចលនាប៉ារ៉ាឡាំពិក នៅអាស៊ីអាគ្នេយ៍ មានប្រទេសសមាជិកអាស៊ានរួមមាន ប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម។ ទីម័រឡេស្តេជាសមាជិកបណ្ដោះអាសន្ន នៃសហព័ន្ធ។
អនុប្រធាន៤រូបត្រូវបានជ្រើសរើស សម្រាប់អាណត្តិ ២០២២-២០២៦ គឺលោក Walter Francis K. Torres របស់ប្រទេសហ្វីលីពីនបានឈ្នះតំណែងអនុប្រធាន សម្រាប់គណៈកម្មាធិការកីឡា ដោយមិនមានការជំទាស់។ លោកវេជ្ជបណ្ឌិត Than Than Htay របស់ប្រទេសមីយ៉ាន់ម៉ា ក៏បានរក្សាកៅអីអនុប្រធាន សម្រាប់គណៈកម្មាធិការវិទ្យាសាស្ត្រវេជ្ជសាស្ត្រ និងកីឡា (MSSC) បន្ទាប់ពីឈ្នះដោយមិនមានការប្រកួតប្រជែង។
លោក យី វាសនា របស់កម្ពុជានៅរក្សាតំណែង អនុប្រធានផ្នែកយុទ្ធសាស្ត្រ និងអភិវឌ្ឍន៍ដោយទទួលបាន សំឡេងឆ្នោតចំនួន ៩ បើធៀបនឹងសំឡេងឆ្នោត ១របស់អគ្គលេខាធិការ NPC Malaysia Admiral Dato Subramaniam Raman។
ទន្ទឹមនឹងនេះដែរ ប្រធាន NPC Indonesia លោក Senny Marbun បានឈ្នះកៅអី អនុប្រធានគណៈកម្មាធិការផ្សព្វផ្សាយ និងទីផ្សារដោយមិនមានការជំទាស់។ លោក Charnvit Munikanond របស់ប្រទេសថៃ មិនត្រូវបានគេចោទប្រកាន់ឡើយ ហើយត្រូវបានជ្រើសរើសឲ្យជំនួស អតីតមន្ត្រីហិរញ្ញវត្ថុ Nopodol Jiraboondilok ជាហិរញ្ញិក៕ ដោយ៖លី ភីលីព
