ហង្សក្រហម Liverpool បានរៀបចំការងារធ្វើបទបង្ហាញរួចរាល់ហើយ ទៅកាន់គណកម្មការគ្រប់គ្រងក្លឹប ដើម្បីអាចបន្តដំណើរការបន្ថែមទៀតសង្ឃឹម អាចនាំយកកីឡាករឆ្នើម ម្ចាស់ពានរង្វាន់ពិភពលោក Alexis Mac Allister មកចូលរួមក្លឹបនារដូវក្តៅខាងមុខបាន។
កីឡាករខ្សែបម្រើសញ្ជាតិអាហ្សង់ទីន រូបនេះកំពុងស្ថិតនៅក្នុងគោលដៅរបស់ក្លឹប Liverpool ជាច្រើនសប្តាហ៍មកហើយ និងកំពុងរងចាំការផ្តល់ភ្លើងខៀវ ពីសំណាក់គណកម្មការគ្រប់គ្រងក្លឹបជាមុន ដើម្បីអាចបន្តដំណើរការចរចា ឲ្យបានខ្លាំងជាងនេះ។
កីឡាករវ័យ ២៤ឆ្នាំរូបនេះបានបង្ហាញទំរង់លេងយ៉ាងអស្ចារ្យ ទាំងនៅក្រុមជម្រើសជាតិលើកពានរង្វាន់ ពិភពលោកលើកដំបូងឲ្យអាហ្សង់ទីន និងបានជួយឲ្យក្លឹប Brihgton ទទួលបានលទ្ធផលយ៉ាងល្អនៅរដូវកាលនេះ ហើយបច្ចុប្បន្នកំពុងស្ថិតនៅលេខរៀងទី ៦បណ្តោះអាសន្នផងដែរ៕ ប្រែសម្រួល៖ស៊ុនលី
