យោងតាមការចេញផ្សាយរបស់ The Goal នៅថ្ងៃនេះបានឲ្យដឹងថា លោក Diego Simeone នឹងត្រៀមទទួលយកការកាត់បន្ថយតម្លៃថ្លៃខ្លួនហើយទទួលយកកុងត្រាថ្មី ដែលអាចឲ្យគាត់ក្លាយទៅជាគ្រូបង្វឹក ដែលធ្វើការជាមួយនឹងក្លឹប AT Madrid បានយូរជាងគេបំផុតក្នុងប្រវត្តិសាស្ត្រក្លឹប។
បច្ចុប្បន្នកុងត្រារបស់គាត់នឹងត្រូវផុតកំណត់ នៅចុងរដូវកាលនេះហើយប៉ុន្តែទោះបីជាមានលេចឬព័ត៌មានថា គាត់នឹងចាកចេញពីក្លឹបក្តីប៉ុន្តែបើមិនមានអ្វីប្រែប្រួលទេនោះ គាត់នឹងអាចបន្តកុងត្រាថ្មីរហូតដល់ឆ្នាំ២០២៧ក្នុងពេលដែលគាត់មានវ័យ៥៧ឆ្នាំទៅហើយ។
កន្លងមកលោក Simeone ក៏ធ្លាប់ជាប់ឈ្មោះជាគ្រូបង្វឹកដែលទទួលបានតម្លៃខ្លួនខ្ពស់ជាងគេបំផុត របស់ក្លឹបផងដែរប៉ុន្តែកុងត្រាថ្មី នេះគាត់នឹងយល់ព្រមកាត់បន្ថយប្រាក់កម្រៃខ្លះ ដើម្បីអាចជួយក្លឹបដោះស្រាយបញ្ហាហិរញ្ញវត្ថុជាមុនសិន៕ ប្រែសម្រួល៖ស៊ុនលី
