កីឡាករបាល់ទាត់ពិភពលោកនូវែលសេឡង់ក្លាយជាតារាប្រព័ន្ធផ្សព្វផ្សាយសង្គមដ៏មានប្រជាប្រិយបំផុត

WELLINGTON៖ លោក Tim Payne ជាកីឡាករបាល់ទាត់ដែលមានបំណងចូលរួមព្រឹត្តិការណ៍ World Cup របស់នូវែលសេឡង់បាននិយាយកាលពីថ្ងៃសុក្រថា  វាពិតជាឆ្កួតណាស់ដែលបានក្លាយជាគណនីបាល់ទាត់មានអ្នកតាមដានច្រើនបំផុតរបស់ប្រទេសនេះ បន្ទាប់ពីអ្នកមានឥទ្ធិពលម្នាក់បានកំណត់អត្តសញ្ញាណលោកថា ជាកីឡាករមិនសូវមានអ្នកស្គាល់ក្នុងការប្រកួតនេះ ហើយបានអំពាវនាវឲ្យអ្នកគាំទ្រជួយជំរុញការបង្ហោះរបស់លោក យោងតាមការចេញផ្សាយពីគេហទំព័រ Japan Today  ។

ខ្សែការពារស្តាំរូបនេះ ដែលលេងឲ្យក្លឹប Wellington Phoenix ក្នុងលីគ A ទទួលបានអ្នកតាមដានជាងមួយលាននាក់នៅលើបណ្តាញសង្គម Instagram ក្នុងរយៈពេលត្រឹមតែ ២ ថ្ងៃប៉ុណ្ណោះ ដើម្បីក្លាយជាគណនីបាល់ទាត់ដែលមានអ្នកតាមដានច្រើនបំផុតរបស់នូវែលសេឡង់។

នៅថ្ងៃពុធ លោក Payne មានអ្នកតាមដានត្រឹមតែ ៤,០០០ នាក់ប៉ុណ្ណោះ មុនពេលអ្នកមានឥទ្ធិពលលើប្រព័ន្ធផ្សព្វផ្សាយសង្គម Valen Scarsini ត្រូវស្គាល់ថាជា ‘elscarso’ តាមអ៊ីនធើណេត បានចាប់ផ្តើមយុទ្ធនាការមួយដើម្បីជំរុញកីឡាករបាល់ទាត់ដែលមានអ្នកតាមដានតិចបំផុតនៃ World Cup។

លោក Scarsini បាននិយាយកាលពីថ្ងៃពុធថា ខ្ញុំបានមើលក្រុមទាំងអស់ដែលលេង World Cup សម្រាប់កីឡាករ មិនសូវមានអ្នកស្គាល់ ហើយបន្ទាប់ពីវិភាគម្តងមួយៗ ខ្ញុំបានរកឃើញវា។ ពូល G នៅនូវែលសេឡង់ គឺលោក Tim Payne។ លោកពិតជាមនុស្សមិនសូវមានអ្នកតាមដានច្រើនបំផុត ហើយលោកមិនមានអ្នកតាមដានដល់ ៥,០០០ នាក់ទេ។

Scarsini បានស្នើសុំឲ្យមនុស្សផ្សព្វផ្សាយការបង្ហោះរបស់លោកជាមួយនឹងការចូលចិត្ត និងមតិយោបល់ ដើម្បីធ្វើឲ្យ Payne ក្លាយជាឈ្មោះល្បី។

ពីរថ្ងៃក្រោយមក Payne ឥឡូវនេះមានអ្នកតាមដានជាង ១ លាននាក់នៅលើបណ្តាញសង្គម Instagram ដែលបង្ខំឲ្យមានការបង្ហោះដ៏កម្រមួយ ខណៈក្រុមនេះនឹងជំរំមុនព្រឹត្តិការណ៍ World Cup នៅរដ្ឋ Florida។  ដំបូងឡើយ Payne បាននិយាយជាភាសាអេស្ប៉ាញ ដោយបានថ្លែងអំណរគុណដល់អ្នកគាំទ្រចំពោះការគាំទ្រ។ សូមអភ័យទោសចំពោះភាសាអេស្ប៉ាញរបស់ខ្ញុំ ខ្ញុំនៅតែកំពុងហ្វឹកហាត់នៅលើ Duolingo៕