LOS ANGELES៖គ្រូបង្វឹកក្រុមជម្រើសជាតិអ៊ីរ៉ង់ Amir Ghalenoei បាននិយាយថា អ៊ីរ៉ង់ ជាក្រុមដែលរងការគាបសង្កត់ច្រើនជាងគេ ក្នុងព្រឹត្តិការណ៍ World Cup បន្ទាប់ពីកីឡាករ របស់គាត់ត្រូវបានជូនដំណឹងភ្លាមៗថា ពួកគេត្រូវតែធ្វើដំណើរត្រឡប់ ទៅប្រទេសម៉ិកស៊ិកវិញភ្លាមៗ បន្ទាប់ពីការប្រកួតបើកឆាក របស់ពួកគេបានបញ្ចប់នៅទីក្រុងLOS ANGELESនៅចុងថ្ងៃចន្ទ។
វាគឺជាសុបិន្តអាក្រក់ ផ្នែកភស្តុភារចុងក្រោយបង្អស់ សម្រាប់ក្រុមអ៊ីរ៉ង់ បានមកដល់ការប្រកួត ដែលអាមេរិក ម៉ិកស៊ិក និងកាណាដា ធ្វើជាម្ចាស់ផ្ទះ ក្រោមស្រមោលនៃជម្លោះការទូត ដ៏ជូរចត់រវាងទីក្រុងតេអេរ៉ង់ និងទីក្រុងវ៉ាស៊ីនតោន។
សហរដ្ឋអាមេរិក ដែលមានជម្លោះយោធាជាមួយអ៊ីរ៉ង់អស់រយៈពេលជាច្រើនខែ រហូតដល់កិច្ចព្រមព្រៀងសន្តិភាព ត្រូវបានប្រកាសនៅថ្ងៃអាទិត្យ បានបដិសេធចេញទិដ្ឋាការសម្រាប់បុគ្គលិកគាំទ្រ ក្រុមមួយចំនួន ហើយបានផ្តល់ឯកសារធ្វើដំណើរដល់កីឡាករ តែនៅនាទីចុងក្រោយប៉ុណ្ណោះ។
ដំបូងឡើយ ក្រុមនេះមានបំណងបោះជំរុំហ្វឹកហាត់របស់ខ្លួននៅ Tucson រដ្ឋ Arizona ប៉ុន្តែបានផ្លាស់ប្តូរវានៅម៉ោងទី ១១ ទៅកាន់ Tijuana ក្នុងប្រទេសម៉ិកស៊ិក ដោយសារតែបញ្ហាទិដ្ឋាការ និងភស្តុភារ។
លោក Ghalenoei បានប្រាប់អ្នកសារព័ត៌មានបន្ទាប់ពីការប្រកួតស្មើ ២-២ ជាមួយនូវែលសេឡង់ថា ពួកគេបានពន្យារពេលការមកដល់របស់យើង ពួកគេកំពុងបង្ខំឲ្យយើងត្រឡប់មកវិញ មុនម៉ោងដោយគ្មានពេលសម្រាក ។ ពួកគេកំពុងធ្វើឲ្យស្ថានការណ៍កាន់តែលំបាកឡើងៗ ដោយប្រឈមមុខនឹង ឧបសគ្គកាន់តែច្រើន ប៉ុន្តែយើងនឹងមិនអនុញ្ញាតឱ្យរឿងនោះរារាំងយើងពីការខិតខំប្រឹងប្រែង ឱ្យអស់ពីសមត្ថភាពនោះទេ៕
