កូរ៉េខាងត្បូង៖យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា កីឡាករបាល់ទាត់ Son Heung Min បានរកឃើញថា ខ្លួនលោកជាចំណុច កណ្តាលនៃពាក្យចចាមអារ៉ាមរៀបការ បន្ទាប់ពីអ្នកគាំទ្របានកត់ សម្គាល់ឃើញអ្វីដែលហាក់ដូច ជាចិញ្ចៀននៅលើម្រាមដៃចិញ្ចៀនរបស់លោក ក្រោយពីអ្នកគាំទ្រការឃើញ ថ្មីៗជាច្រើនលើក។
ការបង្ហោះមួយដែលបានចែករម្លែក នៅលើបណ្តាញសង្គម Instiz បានអះអាងថា កីឡាករបាល់ទាត់រូបនេះ ទើបតែពាក់ចិញ្ចៀនដែលស្រដៀងនឹងចិញ្ចៀនអាពាហ៍ពិពាហ៍ នាំឲ្យអ្នកខ្លះសង្ស័យថា លោកប្រហែលជាកំពុងរៀប ចំសម្រាប់អាពាហ៍ពិពាហ៍។
ពាក្យចចាមអារ៉ាមក៏បានបង្ហោះលើបណ្តាញសង្គម X (អតីត Twitter) ជាកន្លែងដែលកីឡាករបាល់ទាត់កូរ៉េរូបនេះកំពុងប្រឈមមុខនឹងប្រតិកម្មមិនសូវល្អ។ ការជជែកវែកញែកនេះបានប្រែក្លាយទៅជាព័ត៌មានក្តៅគគុកយ៉ាងឆាប់រហ័ស ដោយអ្នកលេងអ៊ីនធើណេតមួយចំនួនបានលើកឡើងពីរឿងអាស្រូវមានផ្ទៃពោះ និងរំលូតកូនពីមុនដែលពាក់ព័ន្ធនឹងសុន។
នៅឆ្នាំ ២០២៥ លោក Son បានជាប់ពាក់ព័ន្ធនឹងជម្លោះផ្លូវច្បាប់ បន្ទាប់ពីស្ត្រីម្នាក់អះអាងថា នាងមានផ្ទៃពោះជាមួយកូនរបស់លោក ហើយបានគំរាមបង្ហាញព័ត៌មាននេះ លុះត្រាតែនាងទទួលបានប្រាក់។ ភាគីរបស់ Son បានដាក់ពាក្យបណ្តឹង ដោយអះអាងថា លោកជាជនរងគ្រោះនៃការគំរាមកំហែង។ ស្ត្រីរូបនេះ និងបុគ្គលម្នាក់ទៀតក្រោយមកត្រូវបានស៊ើបអង្កេតពីបទប៉ុនប៉ងជំរិតទារប្រាក់។
គិតត្រឹមពេលនេះកីឡាករ Son Heung Min មិនទាន់បានបញ្ជាក់ពីទំនាក់ទំនង ឬផែនការរៀបការណាមួយនៅឡើយទេ ហើយការសង្ស័យអំពីចិញ្ចៀននៅតែមិនទាន់ត្រូវបានផ្ទៀងផ្ទាត់៕
