ហុងកុង៖ តារាសម្តែងជើងចាស់ Aaron Kwok តែងត្រូវគេចាត់ទុកជាស្វាមីគំរូក្នុងសង្គមសិល្បៈដែលហ៊ានធ្វើយ៉ាងអោយប្រពន្ធកូនសប្បាយចិត្ត ។
រៀបការកាលពីឆ្នាំ២០១៧ ជាមួយភរិយាតារាម៉ូដែលសិចសុី Moka Fang តារាសម្តែងជើងចាស់ Aaron Kwok ទទួលបានចំណងដៃកូនស្រី២ នាក់ តែលោកតែងនិយាយប្រាប់អ្នកគាំទ្រថាលោកនឹងយកកូនប្រុសម្នាក់ទៀតក្នុងពេលឆាប់ៗ នេះ ។ ថ្មីៗនេះសារព័ត៌មានតៃវ៉ាន់មួយបានអោយដឹងថា ដើម្បីយកចិត្តភរិយាតារាវ័យ ៥៤ ឆ្នាំ Aaron បានទិញកាបូបប្រេនម៉ាកតម្លៃដល់ទៅជាង១៣០០០ ដុល្លារអាមេរិកជាកាដូសម្រាប់នាង ដែលកន្លងមកAaron ធ្លាប់ទិញតែកាបូបតម្លៃក្រោម១០០០០ ដុល្លារជូននាងតែប៉ុនណោះ ។
ដោយសារលោកAaron Kwok មានវ័យចំណាស់ ទើបMokaដែលមានវ័យ ៣២ឆ្នាំនោះយល់ព្រមយកកូនម្នាក់ទៀត ហើយប្រភពពីអ្នកស្និទស្នាលបានអោយដឹងថាតារាទាំងពីរតែងទៅពិនិត្យតាមដានសុខភាពដើម្បីប្រាកដថាកូនក្រោយរបស់ពួកគេមានសុខភាពល្អ ៕ ដោយ៖ ទូច សុខលីដា
