កីឡាករខ្សែការពារកណ្តាល សញ្ជាតិប៉ទុយហ្គាល់ Nuno Mendes ទីបំផុតគឺបានឈានទៅដល់ ការចុះកុងត្រា ដែលមានរយៈពេល៤ឆ្នាំ ជាផ្លូវការហើយ ជាមួយនឹងម្ចាស់ពានរង្វាន់ លីគកំពូលបារាំង PSG។
ការសម្រេចចិត្តរបស់ PSG ត្រូវបានធ្វើឡើងជាមួយ នឹងប្រាក់តម្លៃខ្លួន រហូតទៅដល់៤០លានអឺរ៉ូ ដើម្បីផ្ទេរកីឡាករវ័យក្មេងរូបនេះ ដាច់ចេញពី Sporting C.Pនិងក្រោយពេលបានធ្វើការ ជាមួយគ្នាក្នុងលក្ខខណ្ឌខ្ជីជើង មួយរដូវកាលកន្លងមក។
គួរឲ្យដឹងដែរថា Mendes បានចុះកុងត្រាខ្ចីជើង មកចូលរួមបណ្តោះអាសន្នជាមួយនឹង PSG កាលពីខែសីហាកន្លងទៅ ហើយបានក្លាយខ្លួន ជាកីឡាករដ៏សំខាន់ម្នាក់ របស់ក្លឹបដើម្បីលើកពាន Ligue1 រដូវកាលកន្លងទៅនេះ។
មិនត្រឹមតែប៉ុណ្ណោះ Mendes ក៏បានបង្ហាញខ្លួនលេងបាន៨ដងនៅ Champions League ផងដែរកាលពីរដូវកាលមុន និងមុនពេលត្រូវបានទំលាក់ដោយ Real Madrid៕ ប្រែសម្រួល៖ស៊ុនលី
