មួយគ្រាប់របស់កីឡាករ Gareth Bale ដែលជាបាល់ហ្វ្រីឃីកបានបំបោងសំណាញ់ក្រុមជម្រើសជាតិអ៊ុយក្រែននិងជាគ្រាប់បាល់តែមួយគត់ដែលបានកើតឡើងក្នុងការប្រកួតនិងជាពិសេស ជាគ្រាប់បាល់ធ្វើឲ្យវេលបានឡើងទៅប្រកួតពានរង្វាន់ពិភពលោកប្រទេសកាតាជាលើកដំបូងក្នុងប្រវត្តិសាស្ត្រប៉ុន្មានទសវត្សចុងក្រោយនេះ។
ជ័យជំនះ១ទល់នឹង០បានធ្វើឲ្យវេលដែលធ្លាប់ខកខានការបង្ហាញខ្លួននៅពានរង្វាន់ពិភពលោកតាំងតែពីឆ្នាំ១៩៥៨នោះគឺអាចមានវត្តមានសាជាថ្មីឡើងវិញហើយគួរតែត្រូវអរគុណយ៉ាងខ្លាំងដល់កីឡាករ
Gareth Bale ដែលទើបតែបានប្រកាសបញ្ចប់កុងត្រាជាមួយនឹង Real Madrid ទៅហើយនោះកាលពីពេលថ្មីៗនេះ។
បរាជ័យរបស់អ៊ុយក្រែនគឺជាព្រឹត្តិការណ៍ដែលកាត់សោកសៅបំផុតចំពោះក្រុមជម្រើសជាតិនិងជាពិសេសប្រទេសជាតិទាំងមូលខណៈដែលខ្លួនកំពុងទទួលរងការវាយប្រហារយ៉ាងខ្លាំងក្លាពីសំណាក់ប្រទេសរុស្សី
គិតចាប់តាំងតែពីខែកុម្ភៈមក៕ ប្រែសម្រួល៖ស៊ុនលី
