អាមេរិក៖ការសិក្សាមួយបានឲ្យដឹងថា ការបម្លែងខ្លួនប្រភេទរងមេរោគ Omicron ថ្មីនៃមេរោគCOVID អាចគេចពីប្រព័ន្ធការពារនៃវ៉ាក់សាំង និងមិនបានចាក់វ៉ាក់សាំង ព្រមទាំងជំរុញឲ្យមានការឆ្លងមេរោគឡើងវិញយោងតាមការចេញផ្សាយពីគេហទំព័រស្គាយញ៉ូវ។
នេះបើយោងតាមរបាយការណ៍ដែលបានចេញផ្សាយលើ New England Journal of Medicine ថា បច្ចុប្បន្ននេះ BA.5 គឺជាវ៉ារ្យ៉ង់ Omicron សកលដែលលេចធ្លោ ហើយបានបង្ហាញពីសមត្ថភាពច្រើន ដើម្បីគេចចេញពីការការពារប្រព័ន្ធភាពស៊ាំ បើធៀបនឹងប្រភេទរងពីមុន ។
របាយការណ៍នេះបានគូសបញ្ជាក់ថា ទោះជាយ៉ាងណាក៏ដោយ មេរោគ BA.4.6 ជាការបម្លែងនៃ BA.4 ថ្មីៗនេះបានកើនឡើងក្នុងប្រេវ៉ាឡង់នៅតំបន់មួយចំនួន ដែល BA.5 មានភាពលេចធ្លោ រួមទាំងនៅសហរដ្ឋអាមេរិក។នេះបើយោងតាមមជ្ឈមណ្ឌលគ្រប់គ្រង និងការពារជំងឺបាននិយាយថា វ៉ារ្យ៉ង់នេះត្រូវបានរកឃើញក្នុងជាង ១២ភគរយនៃករណី COVID-19 ថ្មីនៅសហរដ្ឋអាមេរិក ។
ការសិក្សាតូចមួយបានគូសបញ្ជាក់លើរបាយការណ៍បង្ហាញថាវាអាចគេចផុតពីអង្គបដិប្រាណដែលទទួលបានតាមរយៈការឆ្លងមេរោគ COVID-19មុន ឬការចាក់វ៉ាក់សាំងនោះ នៅតែមិនទាន់ដឹងនៅឡើយ ទោះជាយ៉ាងណាក៏ដោយ។ ទិន្នន័យពីសំណាកឈាមរបស់មនុស្ស ៣៥ នាទើបឆ្លងមេរោគ COVID-19 ឬចាក់វ៉ាក់សាំង និងជំរុញដោយវ៉ាក់សាំង Moderna ដើម បានបង្ហាញថា អង្គបដិប្រាណប្រឆាំងនឹង BA.4.6 គឺទាបជាងការប្រឆាំងនឹង BA.5 ប្រហែល២ដង។
អ្នកស្រាវជ្រាវលើការសិក្សាលោកវេជ្ជបណ្ឌិត Dan Barouch នាយកមជ្ឈមណ្ឌលស្រាវជ្រាវមេរោគ និងវ៉ាក់សាំងនៅ Beth Israel នៅមជ្ឈមណ្ឌលវេជ្ជសាស្ត្រ Deaconess នៅបូស្តុនបង្ហាញថា Omicron បន្តវិវឌ្ឍ និងបន្តវិវឌ្ឍតាមរបៀបមួយដែលកាន់តែចម្លង ព្រមទាំងមានប្រសិទ្ធភាពជាងមុនក្នុងការគេចចេញពីវ៉ាក់សាំង និងការឆ្លើយតបនៃប្រព័ន្ធភាពស៊ាំ៕ដោយ៖លី ភីលីព
