បរទេស៖ យានអវកាសគ្មានមនុស្សបើក X-37B សម្ងាត់របស់យោធាអាមេរិក បានចុះចតនៅឯមជ្ឈមណ្ឌលអវកាស Kennedy នៃរដ្ឋផ្លរីដា បន្ទាប់ពីបានបញ្ចប់បេសកកម្ម ចាត់ថ្នាក់ដែលរាប់បញ្ចូលទាំងគោចរ ជុំវិញភពផែនដី អស់រយៈពេល ៩០៨ ថ្ងៃ។
យោងតាមសារព័ត៌មាន RT ចេញផ្សាយនៅថ្ងៃទី១២ ខែវិច្ឆិកា ឆ្នាំ២០២២ បានឱ្យដឹងថា ដ្រូនអវកាសដែលអាចប្រើឡើងវិញបាន បានត្រលប់មកផែនដីវិញ នៅព្រឹកថ្ងៃសៅរ៍ ដោយបានបំបែកកំណត់ត្រាមុនរបស់ខ្លួន ដែលមានរយៈពេល ៧៨០ ថ្ងៃនៅក្នុងគន្លង។ កងកម្លាំងអវកាសអាមេរិក បាននិយាយនៅក្នុងសេចក្តីថ្លែងការណ៍មួយថា បេសកកម្មសាកល្បងយាន Orbital Test Vehicle-6 (OTV-6) ក៏បានកត់សម្គាល់ជាលើកដំបូងផងដែរ ដែលយន្តហោះបានចូលទៅក្នុងលំហជាមួយនឹងម៉ូឌុលសេវាកម្មភ្ជាប់ ដែលបង្កើនចំនួននៃការពិសោធន៍ ដែលអាចត្រូវបានធ្វើឡើង។
វរសេនីយ៍ទោ Joseph Fritschen នាយកកម្មវិធីសម្រាប់យានអវកាសបាននិយាយថា “X-37B បន្តជំរុញព្រំដែននៃការពិសោធន៍ ដែលបើកដោយរដ្ឋាភិបាល សម្រិតសម្រាំង និងក្រុមឧស្សាហកម្មនៅពីក្រោយឆាក” ។ “សមត្ថភាពក្នុងការធ្វើការពិសោធន៍នៅលើគន្លង និងនាំពួកគេមកផ្ទះដោយសុវត្ថិភាពសម្រាប់ការវិភាគស៊ីជម្រៅ នៅលើដី បានបង្ហាញឱ្យឃើញនូវតម្លៃសម្រាប់នាយកដ្ឋានកងទ័ពអាកាស និងសហគមន៍វិទ្យាសាស្ត្រ”៕ ប្រែសម្រួលៈ ណៃ តុលា
