The Cadena SER កាសែតអេស្បាញ ចេញផ្សាយនៅថ្ងៃនេះបានឲ្យដឹងថាក្លឹបយក្ស Real Madrid កំពុងស្វែងរកវិធីសាស្ត្រដ៏ល្អបំផុតមួយក្នុងការនាំយកកីឡាករខ្សែប្រយុទ្ធស្លាប Bellingham មករួមក្លឹបឲ្យបាន។
ក្នុងនោះក្លឹបបានត្រៀមរួចទៅហើយជាមួយនឹងកីឡាករ មួយចំនួនព្រមទាំងកញ្ចប់ប្រាក់យ៉ាងច្រើនមួយសម្រាប់កីឡាករអង់គ្លេស វ័យក្មេងរូបនេះដែលក្នុងនោះកីឡាករ Brahim Diaz ដែលកំពុងលេងឲ្យ AC Milan ក្នុងលក្ខខណ្ឌខ្ចីជើងនោះគឺជាមុខសញ្ញា ដំបូងសម្រាប់ការដោះដូរនេះ។
គួរឲ្យដឹងដែរថា Bellingham មិនមែនជាកីឡាករងាយៗសម្រាប់ចរចានោះទេខណៈ ដែលបច្ចុប្បន្នមានកុងត្រារហូតដល់ឆ្នាំ២០២៥ ជាមួយនឹងក្លឹប Dortmund នៅឡើយប៉ុន្តែជឿជាក់ថាការបញ្ចូលកីឡាករ Diaz និងកញ្ចប់ប្រាក់យ៉ាងច្រើនផងនោះការ ដោះដូរនឹងអាចធ្វើឡើងជាមិនខាន៕ប្រែសម្រួល៖ស៊ុនលី
