អាមេរិក៖ យោងតាមការចេញផ្សាយពីគេហទំព័រ UPI បានប្រាប់ឲ្យដឹងថា ផែនទីទិន្នន័យដំបូងពីឧបករណ៍ត្រួតពិនិត្យសារធាតុបំពុលបរិស្ថាន របស់អង្គការណាសា ត្រូវបានចេញផ្សាយកាលពីថ្ងៃព្រហស្បតិ៍ជាផ្លូវការ បន្ទាប់ពីឧបករណ៍ TEMPO របស់ណាសាបង្កើតរូបភាពបង្ហាញពីការបំពុលបរិស្ថាន និងគុណភាពខ្យល់នៅអាមេរិកខាងជើង នៅចម្ងាយ ២២,០០០ម៉ាយពីលើអេក្វាទ័រ។
អ្នកគ្រប់គ្រងអង្គការណាសា “NASA” លោក Bill Nelson បាននិយាយក្នុងសេចក្តីថ្លែងការណ៍មួយថា សង្កាត់ និងសហគមន៍ទូទាំងប្រទេសនឹងទទួលបានអត្ថប្រយោជន៍ពីទិន្នន័យផ្លាស់ប្តូររបស់ TEMPO សម្រាប់ទសវត្សរ៍ខាងមុខ ។ នៅរដូវក្តៅនេះ ជនជាតិអាមេរិករាប់លាននាក់បានដឹងពីផលប៉ះពាល់នៃផ្សែងពីភ្លើងឆេះព្រៃមកលើសុខភាពរបស់យើង។
ណាសា និងរដ្ឋបាល Biden-Harris ប្តេជ្ញាធ្វើឲ្យវាកាន់តែងាយស្រួលសម្រាប់ប្រជាជនអាមេរិកប្រចាំថ្ងៃ និងអ្នកធ្វើការសម្រេចចិត្តក្នុងការចូលប្រើ និងប្រើប្រាស់ទិន្នន័យ TEMPO ដើម្បីតាមដាន និងកែលម្អចំពោះគុណភាពនៃខ្យល់ដែលយើងដកដង្ហើម ផ្តល់អត្ថប្រយោជន៍ដល់ជីវិតនៅលើផែនដី។
យោងតាមអង្គការ NASA បាននិយាយថា ឧបករណ៍ TEMPO នឹងធ្វើឲ្យប្រសើរឡើងយ៉ាងខ្លាំងនូវការសិក្សាអំពីការបំពុលដែលបណ្តាលមកពីចរាចរណ៍ម៉ោងប្រញាប់ ចលនានៃផ្សែង និងផេះពីភ្លើងឆេះព្រៃ និងភ្នំភ្លើង និងសូម្បីតែឥទ្ធិពលនៃការប្រើប្រាស់ជីលើដីស្រែចម្ការ៕ ដោយ៖លី ភីលីព
