ម្ដាយ និងមនុស្សជិតស្និទ្ធរបស់ ខ្សែប្រយុទ្ធ Kylian Mbappe បានមកដល់ប្រទេសអេស្ប៉ាញ និងកំពុងស្វែងផ្ទះនៅទីក្រុង Madrid ត្រៀមសម្រាប់កីឡាករនេះក្នុងរដូវកាលខាងមុខនេះ។ បើយោងតាមការចុះផ្សាយរបស់សារព័ត៌មាន Relevo នៅក្នុងថ្ងៃនេះ។
បញ្ហាចម្បងរបស់ពួកគេមកដល់ទីក្រុង Madrid នេះគឺស្វែងរកផ្ទះណាស័ក្ដិសម និងជាពិសេសគឺមានសុវត្ថិភាពសម្រាប់ Mbappe រស់នៅ។
យ៉ាងណារឿងរ៉ាវក្ដៅដែលសារព័ត៌មានជាច្រើនដឹងឮនោះគឺល្បីថា Mbappe កំពុងចរចាជាមួយ Real Madrid សម្រាប់ការផ្លាស់មកក្លឹបនេះ ព្រោះតែគេចាប់អារម្មណ៍ចង់ផ្លាស់មកក្លឹបនេះជាយូរមកហើយ។
កីឡាករនេះក៏ត្រូវបានគេដឹងថា កីឡាករនេះ និង PSG គឺបានបញ្ឈប់ការចរចាគ្នាទាក់ទងនឹងការបញ្ចុះបញ្ចូលឲ្យក្លឹបបារាំងបន្តផងដែរ។
Mbappe បានចូលរួមជាមួយ PSG តាំងពីឆ្នាំ ២០១៧ មក។ គិតមកទល់ពេលនេះ កីឡាករលេងសរុប ២៩២ ប្រកួត និងស៊ុតចូល ២៤៤ គ្រាប់៕
ប្រភព៖ sabay
