ក្រុមបាល់ទាត់មាន់គកបារាំង ក្រោមអាយុ ២៣ ឡើងទៅប៉ះ អេស្ប៉ាញ នាវគ្គផ្ដាច់ព្រ័ត្រ ក្នុងព្រឹត្តិការណ៍អូឡាំពិកបន្ទាប់ពីម្ចាស់ផ្ទះ ទម្លាក់ អេហ្ស៊ីប ៣-១ នៅម៉ោងបន្ថែម ១៥នាទីពីរដង ខណៈដែលអេស្ប៉ាញទម្លាក់ម៉ារ៉ុក ២-១ ។
និយាយពី ម៉ារ៉ុក ដ្បិតតែនាំមុខអេស្ប៉ាញមុនដោយខ្សែប្រយុទ្ធ Rahimi តាមរយៈការទាត់ប៉េណាល់ទី ប៉ុន្តែពួកគេត្រូវបានអេស្ប៉ាញវាយបកត្រឡប់មកវិញ២-១ដោយមួយគ្រាប់នាទីទី ៦៥ ដោយខ្សែប្រយុទ្ធយុវជន Barcelona , Fermín López និងមួយគ្រាប់ទៀត នៅនាទីទី ៨៥ ដោយខ្សែប្រយុទ្ធស្លាប របស់ Sevilla, Juanlu Sánchez
ចំណែកបារាំងវិញ ក្រុមទាំងពីរបញ្ចប់ ដោយលទ្ធផល១-១នៅ៩០នាទី បើទោះជាអេហ្ស៊ីបបាននាំមុខ១-០ដល់នាទីទី ៨៣ទើបបារាំងតាមបានស្មើ ហើយចូលដល់ម៉ោងបន្ថែម១៥នាទីពីរដងអាចយកឈ្នះបានបន្ទាប់ពី អេហ្ស៊ីប កាតក្រហមខ្សែការពារ Omar Fayed នាទីទី៩២ ។
ដូច្នេះបារាំងត្រូវប៉ះ អេហ្ស៊ីប នាថ្ងៃសុក្រទី៩ ខែសីហា ឆ្នាំ២០២៤ វេលាម៉ោង១១យប់ ដើម្បីដណ្ដើមមេដាយមាស ខណៈដែលអេហ្ស៊ីប ត្រូវដណ្ដើមមេដាយសំរឹទ្ធជាមួយ ម៉ារ៉ុក ថ្ងៃទី៨ ខែសីហា ឆ្នាំ២០២៤ នៅវេលាម៉ោង ១០យប់ផងដែរ៕
