The Goal ចេញផ្សាយនៅថ្ងៃនេះ បានឲ្យដឹងថាក្លឹបយក្ស Barcelona នឹងធ្វើការប្រជែងជាមួយនឹងក្លឹប Bayern Munich ព្រមទាំង Liverpool ផងដែរដើម្បីដណ្តើមយកកុងត្រា របស់កីឡាករឆ្នើមម្នាក់របស់ក្លឹប Frankfurt ។
កីឡាករសញ្ជាតិអេហ្ស៊ីប Omar Marmoush បច្ចុប្បន្នកំពុងបង្ហាញទំរង់លេង យ៉ាងអស្ចារ្យឲ្យក្លឹប Frankfurtប៉ុន្តែជឿជាក់ថា គាត់នឹងអាចផ្ទេរចេញពីទីនេះហើយ នៅខែមករាខាងមុខខណៈដែលក្នុងនោះ Barcelona ក៏កំពុងត្រូវការកីឡាករខ្សែប្រយុទ្ធឆ្នើមម្នាក់ ដែលអាចមកជំនួសតំណែងរបស់ Lewandowski។
កីឡាករ Marmoush បានធ្វើឲ្យរំជើបរំជួលលីគកំពូលអឺរ៉ុប នៅពេលនេះដោយអាចស៊ុតបញ្ចូលទីបាន ១៤គ្រាប់មកហើយ ព្រមទាំងជួយមិត្តរួមក្រុមរកបាន ១០គ្រាប់ផងដែរ ។
យ៉ាងណាក្តី Lewandowski ដែលពេលនេះមានវ័យ៣៦ឆ្នាំ ទៅហើយនោះគឺនៅតែមានភាពខ្លាំង នៅឡើយដោយអាចស៊ុតបាន ១៤គ្រាប់ នៅក្នុងការបង្ហាញខ្លួនចំនួន ១៣លើក និងបន្តឈរនៅកំពូលខ្សែប្រយុទ្ធជួរមុខ ជាមួយនឹងអាវលេខ៩របស់ក្លឹបនៅឡើយ ៕
ប្រែសម្រួល៖ ស៊ុន លី
