បរទេស៖ យោងតាមសារព័ត៌មាន VN Express ចេញផ្សាយនៅថ្ងៃទី២៨ ខែមីនា ឆ្នាំ២០២៥ បានឱ្យដឹងថា ការរញ្ជួយដីកម្រិត ៧.៧ រិចទ័រក្នុងប្រទេសមីយ៉ាន់ម៉ា បានបង្កឱ្យមានការរញ្ជួយនៅ ទូទាំងប្រទេសវៀតណាម និងប្រទេសថៃកាលពីរសៀលថ្ងៃសុក្រ។
ទីភ្នាក់ងារព័ត៌មាន Reuters បានរាយការណ៍ថា ទីភ្នាក់ងារស្ទាបស្ទង់ភូមិសាស្ត្រសហរដ្ឋអាមេរិក (USGS) បាននិយាយថា ការរញ្ជួយដីមានកម្រិត 7.7 រ៉ិចទ័រ ហើយត្រូវបានបន្ត ដោយការរញ្ជួយដីដ៏ខ្លាំងមួយ។
វិទ្យាស្ថានភូគព្ភសាស្ត្រ ទីក្រុងហាណូយ បាននិយាយថា ការរញ្ជួយដីបានកើតឡើងនៅម៉ោង 1:20 រសៀល។ នៅក្នុងប្រទេសមីយ៉ាន់ម៉ា ហើយមានជម្រៅ ១០ គីឡូម៉ែត្រ (៦.២១ ម៉ាយ)។
ប្រជាជនដែលរស់នៅជាន់ខ្ពស់ ក្នុងអាផាតមិនជាច្រើននៅក្នុងស្រុកផ្សេងៗគ្នានៅទូទាំងទីក្រុងហាណូយ ចម្ងាយជាង ១.០០០ គីឡូម៉ែត្រពីចំណុចកណ្តាល ដែលមានចម្ងាយប្រហែល ១៧,២ គីឡូម៉ែត្រពីទីក្រុង Mandalay មានអារម្មណ៍ថាគ្រឿងសង្ហារឹមរបស់ពួកគេរង្គោះរង្គើភ្លាមៗ។
លោក Nguyen Quy ដែលរស់នៅជាន់ទី ១៩ នៃអគារមួយក្នុងសង្កាត់ Nam Tu Liem ទីក្រុងហាណូយបាននិយាយថា “ដើមឈើនៅលើយ៉រ របស់ខ្ញុំបានញ័រក្នុងរយៈពេលជាង ១០ វិនាទី” ។
នៅទីក្រុងហូជីមិញ មនុស្សធ្វើការនៅក្នុងអគារការិយាល័យ និងនៅជាន់ខ្ពស់នៃអគារផ្ទះល្វែងមានអារម្មណ៍ញ័រក្នុងរយៈពេលប្រហែលមួយនាទី៕
ប្រែសម្រួលៈ ណៃ តុលា
