ព័ត៌មានអន្តរជាតិ

អាល្លឺម៉ង់ប្រកាស ផ្តល់ជំនួយយោធា បន្ថែមដល់ប្រទេសអ៊ុយក្រែន ប្រមាណជា១២ពាន់លានដុល្លារទៀត

afp

បរទេស៖ យោងតាមការចេញផ្សាយរបស់ RTប្រទេសអាល្លឺម៉ង់នឹងផ្តល់ ជំនួយយោធាបន្ថែមចំនួន ១១,២៥ ពាន់លានអឺរ៉ូ ឬប្រមាណជា១២ ពាន់លានដុល្លារទៀត សម្រាប់អ៊ុយក្រែន។

ការអះអាងដែលធ្វើឡើងដោយរដ្ឋមន្ត្រីការ បរទេសអាល្លឺម៉ង់លោកស្រី Annalena Baerbock បានប្រកាសក្នុងអំឡុងដំណើរទស្សនកិច្ច ដ៏គួរឱ្យភ្ញាក់ផ្អើលមួយទៅកាន់ទីក្រុងគៀវ កាលពីថ្ងៃអង្គារម្សិលមិញនេះ។

អ្នកការទូតរូបនេះបាននិយាយថា ទីក្រុងប៊ែរឡាំងនឹងបន្តគាំទ្រអ៊ុយក្រែន ដោយគ្មានប្រសិនបើ ឬមានការរំខានក្តីហើយក៏មិនគិតពីការផ្លាស់ប្តូរ រដ្ឋាភិបាលអាល្លឺម៉ង់នាពេលខាងមុខនោះដែរ។

ប្រទេសអាល្លឺម៉ង់គឺជាអ្នកផ្តល់ជំនួយ យោធាធំទីពីររបស់អ៊ុយក្រែនខណៈ ដែលសហរដ្ឋអាមេរិក ដែលជាម្ចាស់ជំនួយដ៏ធំបំផុតរបស់ អ៊ុយក្រែនក្នុងជម្លោះជាមួយរុស្ស៊ី ប៉ុន្តែបានផ្លាស់ប្តូរជំហររបស់ខ្លួនក្រោមការដឹកនាំ របស់លោកប្រធានាធិបតី Donald Trump។

គួរឲ្យដឹងដែរថាចំពេលមានការ រអាក់រអួលក្នុងទំនាក់ទំនង ចាប់តាំងពីការវិលត្រឡប់របស់លោក Trump ចូលកាន់តំណែងមក ទីក្រុងមូស្គូនិងវ៉ាស៊ីនតោនបាននឹងកំពុងធ្វើការ លើដំណោះស្រាយការទូតដ៏មាន សក្តានុពលនៃជម្លោះនេះ។ ភាគី​ទាំង​ពីរ​បាន​ឈាន​ទៅ​មុខ​ជាមួយ​ នឹង​កិច្ច​ព្រមព្រៀង​បទ​ឈប់​បាញ់​មួយ​ផ្នែក បើ​ទោះ​បី​ជា​រដ្ឋាភិបាល​រុស្ស៊ី​មាន​ការ​សង្ស័យ ​ចំពោះ​អាជ្ញាធរ​ក្នុង​ក្រុង​គៀវ​ក៏ដោយ៕

Most Popular

To Top