ចិន ៖ ក្រុមហ៊ុនផលិតរថយន្ត EV របស់ចិន Xiaomi បាននិយាយថា ខ្លួននឹងសហការជាមួយនឹងការស៊ើបអង្កេត របស់ប៉ូលីសលើការធ្លាក់រថយន្ត Xiaomi EV ដ៏ធ្ងន់ធ្ងរមួយ ដែលពាក់ព័ន្ធ នឹងរថយន្តរបស់ខ្លួន ស្ថិតក្នុងរបៀបបើកបរ ដោយស្វ័យប្រវត្តិ នៅមុនពេលគ្រោះថ្នាក់ កើតឡើង យោងតាមការចេញផ្សាយ ពីគេហទំព័រ VN Express ។
និស្សិតមហាវិទ្យាល័យ ៣ នាក់បានស្លាប់កាលពីយប់ថ្ងៃសៅរ៍ បន្ទាប់ពី Xiaomi SU7 របស់ពួកគេបានបុករបាំងបេតុងនៅលើផ្នែកមួយនៃផ្លូវ Dezhou-Shangrao Expressway ខេត្ត Anhui ភាគខាងកើតនៃប្រទេស។
នេះបើយោងតាមសេចក្តីថ្លែងការណ៍ របស់ក្រុមហ៊ុនបានបង្ហោះលើអ៊ីនធើណេតថា មុនពេលកើតហេតុ រថយន្តនេះស្ថិតក្នុងមុខងារ Navigate On Autopilot (NAO) របស់ក្រុមហ៊ុន Xiaomi កំពុងបើកបរក្នុងល្បឿន ១១៦គីឡូម៉ែត្រក្នុងមួយម៉ោង។
Xiaomi បានបន្តថា ខណៈដែលកំពុងធ្វើដំណើរលើកំណាត់ផ្លូវហាយវេ ដែលមានផ្លូវថ្នល់ រថយន្តបានរកឃើញឧបសគ្គនៅខាងមុខ ចេញការព្រមាន និងប្រគល់ការគ្រប់គ្រងទៅអ្នកបើកបរ។ ប៉ុន្តែប៉ុន្មានវិនាទីក្រោយមក រថយន្តបានបុករបាំងថ្មក្នុងល្បឿន ៩៧ គីឡូម៉ែត្រក្នុងមួយម៉ោង។
វីដេអូបានបង្ហោះតាមអ៊ីនធើណេត បានបង្ហាញថា រថយន្តមួយគ្រឿងកំពុងឆេះនៅលើផ្លូវហាយវ៉េ ហើយក្រោយមកក៏មានបំណែកដែលឆេះអស់។ ស្ថាបនិកក្រុមហ៊ុន Xiaomi លោក Lei Jun បាននិយាយក្នុងការបង្ហោះប្រព័ន្ធផ្សព្វផ្សាយសង្គមកាលពីល្ងាចថ្ងៃអង្គារថា លោកមានចិត្តធ្ងន់ ហើយថា ក្រុមហ៊ុនរបស់លោកនឹងបន្តសហការ ជាមួយនឹងការស៊ើបអង្កេតរបស់ប៉ូលីស។
ចាប់តាំងពីមាន ឧប្បត្តិហេតុធ្លាក់មក បណ្តាញអ៊ីនធើណេត ជាច្រើនបានចោទសួរអំពីមុខងារ ជំនួយការបើកបររបស់ Xiaomi ថា ហេតុអ្វីបានជា រថយន្តបានឆេះ ហើយថា តើទ្វារអាចត្រូវបានបើកនៅពេលមានអាសន្ន។ នៅលើ Weibo របស់ X គណនីមួយត្រូវបានសម្គាល់ដោយវេទិកា និងប្រព័ន្ធផ្សព្វផ្សាយ ក្នុងស្រុក ខណៈម្តាយរបស់អ្នកបើកបរបានចោទប្រកាន់ Xiaomi ពីការខកខានក្នុងការទាក់ទងលោកស្រី និងមិនបានយកជីវិតរបស់កុមារ ៣ នាក់ធ្ងន់ធ្ងរ ៕
