ឥណ្ឌូណេស៊ី៖យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា គ្រូបង្វឹក លោក Gerald Vanenburg បានចេញការព្រមានដល់ខ្សែប្រយុទ្ធ Jens Raven បន្ទាប់ពីគាត់បានអបអរគ្រាប់បាល់មួយដោយការសម្តែងរាំក្បាច់ Aura Viral Aura Farming របស់ឥណ្ឌូនេស៊ីក្នុងជ័យជម្នះ ៨-០ លើប្រ៊ុយណេក្នុងការប្រកួត 2025 ASEAN U23 Championship។
នៅនាទីទី ៣៣ បន្ទាប់ពីស៊ុតបញ្ចូលទីឥ្យឥណ្ឌូនេស៊ី ៥-០ ភ្លាម កីឡាករខ្សែប្រយុទ្ធ Raven បានធ្វើការរាំក្បាច់ Aura Farming ។ កីឡាករ Raven បានពន្យល់ក្នុងសន្និសីទសារព័ត៌មានក្រោយ ការប្រកួតនៅកីឡដ្ឋាន Gelora Bung Karno នៅថ្ងៃទី ១៥ ខែកក្កដាថា ខ្ញុំបានសន្យា ជាមួយសមាជិក គ្រួសារថា ខ្ញុំនឹងធ្វើវា ហើយខ្ញុំគ្រាន់ តែព្យាយាមរក្សាការ សន្យារបស់ខ្ញុំ។
ទោះជាយ៉ាងណាក៏ដោយ គ្រូបង្វឹក Vanenburg មិនពេញចិត្តនឹងការធ្វើបែបនេះទេ ដោយចាត់ទុកថា វា “មិនគោរព” ចំពោះគូប្រកួត។ គ្រូបង្វឹកសញ្ជាតិហូឡង់រូបនេះបាននិយាយក្នុងសន្និសីទកាសែតថា កុំធ្វើបែបនោះទៀតឡើយ ប្រសិនបើគាត់ធ្វើម្តងទៀត ខ្ញុំមិនអនុញ្ញាតឱ្យគាត់លេងទេ ។
ក្បាច់រាំ Aura Farming ត្រូវបានគេស្គាល់ថា ជា “Boys on the Boat” មានប្រភពមកពីពិធីបុណ្យប្រណាំងទូក នៅប្រទេសឥណ្ឌូនេស៊ី ហើយទទួលបាន ប្រជាប្រិយភាពយ៉ាងទូលំទូលាយនៅលើ TikTok ។ ក្បាច់រាំនេះត្រូវបាន បង្កើតឡើង ដោយ Rayyan Arkan Dhika ដែលសម្តែងនៅពេលកំពុង រក្សាតុល្យភាពនៅលើធ្នូនៃ ទូកកំឡុងពេលប្រណាំង។
ការរាំបានក្លាយទៅជាការចាប់ អារម្មណ៍យ៉ាងឆាប់រហ័ស ដោយមានអត្តពលិកល្បីៗ រួមទាំងកីឡាករ PSG និងអ្នកប្រណាំង MotoGP លោក Marc Marquez ចូលរួម ។ Dhika ក្រោយមកត្រូវបានផ្តល់កិត្តិយស ជាឯកអគ្គរដ្ឋទូតទេសចរណ៍ និងទទួលបានអាហារូបករណ៍សម្រាប់ការផ្សព្វផ្សាយ វប្បធម៌ឥណ្ឌូនេស៊ីទូទាំងពិភពលោក។
កីឡាករ Raven ដែលមានទាំងបេតិកភណ្ឌឥណ្ឌូនេស៊ី និងហូឡង់ បានទទួលសញ្ជាតិឥណ្ឌូនេស៊ីក្នុងខែមិថុនា ឆ្នាំ ២០២៤។ ចាប់តាំងពីពេលនោះមកគាត់បានស៊ុតបញ្ចូលទីបាន ៨ គ្រាប់ក្នុង ១៧ ប្រកួតសម្រាប់ក្រុម U19 និង U20 ឥណ្ឌូនេស៊ី រួមចំណែកដល់ភាពជោគជ័យរបស់ក្រុម នៃការប្រកួតពានរង្វាន់យុវជន អាស៊ានឆ្នាំ ២០២៤ “2024 ASEAN U19 Boys Championship” ៕
