ទីក្រុងហុងកុង៖យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា តារាចម្រៀងនាង Karina សមាជិកក្រុមតារាចម្រៀងនារីកូរ៉េខាងត្បូង Aespa បានក្លាយប្រធានបទក្តៅគគុក និងការចាប់អារម្មណ៍ម្តងទៀត លើបណ្តាញសង្គម បន្ទាប់ពីស្ទីលស្លៀកពាក់ការបង្ហាញ ដើមទ្រូងមូលក្តំរបស់នាងបានក្លាយជារឿង ល្បីពេញប្រព័ន្ធអ៊ីនធើណេត។
ក្រុមនេះបានបង្ហាញខ្លួនក្នុងកម្មវិធីប្រគល់រង្វាន់តន្ត្រីអន្តរជាតិ TMElive (TIMA) ឆ្នាំ២០២៦ នៅទីក្រុងហុងកុង កាលពីថ្ងៃទី ២២ ខែសីហា ដោយឈ្នះពានរង្វាន់សរុបចំនួន ៦ រួមទាំងពានរង្វាន់អន្តរជាតិប្រចាំឆ្នាំ។ បទចម្រៀងទោលរបស់សមាជិកទាំង ៤ រូប រួមទាំងបទ “Good Stuff” របស់ Karina ក៏បានទទួលពានរង្វាន់ Global Trend Songs Top 10 ផងដែរ។
មុនពិធីសម្ពោធនេះ នាង Karina បានដើរលើកំរាលព្រំក្រហមជាមួយរ៉ូបប៉ាក់គ្រីស្តាល់ដោយ Monique Lhuillier ដែលចងចង្កេះជាមួយនឹងកអាវបានបង្ហាញដើមទ្រូងដ៏ធំមូលក្តំរបស់នាង។ រូបភាពរបស់ Karina បានផ្សព្វផ្សាយយ៉ាងឆាប់រហ័ស ដោយទាក់ទាញប្រជាប្រិយភាពក្នុងចំណោមអ្នកគាំទ្រដែលចាប់អារម្មណ៍នឹងរូបរាងដ៏សិចស៊ីនេះ។
ការបង្ហោះរាប់សិបបានទាក់ទាញប្រតិកម្មរាប់ម៉ឺននៅលើប្រព័ន្ធផ្សព្វផ្សាយសង្គម ដោយមានមនុស្សជាច្រើនហៅ Karina ថាជា “ព្រះនាង” និងពណ៌នានាងថាជា “មិនពិត”។ ខណៈពេលដែលអ្នកខ្លះសង្ស័យថា សម្លៀកបំពាក់ខ្លីៗនេះប្រហែលជាមិនស្រួលសម្រាប់ Karina អ្នកផ្សេងទៀតបានបដិសេធ ហើយការពារជម្រើសស្ទីលដិតនេះ៕
