កូរ៉េខាងត្បូង ៖ យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា ការបង្ហាញខ្លួនរបស់តារាចម្រៀង លោក Jungkook សមាជិកក្រុម BTS) នៅព្រលានយន្តហោះថ្មីៗនេះ ត្រូវបានអ្នកលេងបណ្តាញសង្គមភ្ជាប់ទៅនឹងពាក្យចចាម អារ៉ាមដែលកំពុងផ្ទុះឡើងអំពីទំនាក់ទំនង ស្នេហារបស់លោកជាមួយតារាចម្រៀង នាង Winter សមាជិកក្រុម Aespa ។
ថ្មីៗនេះ ក្រុមតារាចម្រៀងបរុស BTS បានឡើងសម្តែងនៅកម្មវិធី iHeartRadio Music Festival បន្ទាប់ពីបញ្ចប់កម្មវិធី លោក Jungkook បានត្រឡប់មកប្រទេសកូរ៉េខាងត្បូងវិញ ប៉ុន្តែលោកមកដល់យឺតជាងសមាជិកផ្សេងទៀត ដោយសារតែលោកមានកាលវិភាគការងារផ្ទាល់ខ្លួន។
ទោះជាយ៉ាងណាក៏ដោយ អ្នកគាំទ្រមួយចំនួនមានចម្ងល់អំពីសកម្មភាពរបស់លោក Jungkook ក្នុងអំឡុងពេលបំពេញកាលវិភាគផ្ទាល់ខ្លួននោះ ហើយរឿងនេះក៏ត្រូវបានគេភ្ជាប់ទៅនឹងជាតារាចម្រៀង និងជាអ្នករាំជនជាតិកូរ៉េខាងត្បូងនាង Winter ផងដែរ។ អ្នកលេងបណ្តាញសង្គមជាច្រើនបានលើកឡើងថា ការត្រឡប់មកវិញរបស់លោក Jungkook គឺជាការបដិសេធទៅលើពាក្យចចាមអារ៉ាមថា លោកស្នាក់នៅបន្តដើម្បីជួបជាមួយនាង Winter៕
