កូរ៉េខាងត្បូង៖ យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា តារាចម្រៀង និងតារាសម្តែងកូរ៉េខាងត្បូង នាង Kwon Eunbi បាននិយាយអំពីការលំបាកដែលនាងបានជួបប្រទះមុនពេលបង្ហាញខ្លួនលើកដំបូងនៅក្នុងឧស្សាហកម្មកម្សាន្ត។
នាពេលថ្មីៗនេះ វគ្គ Club Goksori ដែលមានវត្តមាននាង Kwon Eunbi ត្រូវបានចេញផ្សាយនៅលើឆានែល You Tube របស់ក្រុម Jaurim។ វីដេអូ នាង Kwon Eunbi បានសារភាពពីរបៀបដែលនាងបានថែរក្សាក្តីសុបិន្តរបស់នាងបានក្លាយជាតារាចម្រៀង។ នាងបានរំលឹកថា នៅសាលាបឋមសិក្សា ក្នុងអំឡុងពេលកម្មវិធីបង្ហាញទេពកោសល្យក្នុងដំណើរកំសាន្ត ខ្ញុំមានអារម្មណ៍រំភើបរីករាយដែលឃើញមិត្តភក្តិរបស់ខ្ញុំអបអរសាទរខ្ញុំ។
ទោះជាយ៉ាងណាក៏ដោយ នាងបានប្រឈមមុខនឹងការប្រឆាំងពីឪពុកម្តាយរបស់នាង ហើយអាចបន្តបានលុះត្រាតែមានជំនួយពីបងប្រុសរបស់នាងក្រោមកាលៈទេសៈលំបាកផ្នែកហិរញ្ញវត្ថុ។
នាង Kwon Eunbi បានសម្តែងការដឹងគុណដោយនិយាយថា គាត់មានអាយុច្រើនជាងខ្ញុំមួយឆ្នាំ ប៉ុន្តែបានគាំទ្រខ្ញុំច្រើនតាំងពីក្មេង។ នាងបានបន្ថែមថា ខ្ញុំបានសាកល្បងការងារក្រៅម៉ោងគ្រប់បែបយ៉ាងនៅទីនោះ បន្ទាប់ពីតស៊ូម្តង ដោយសារខ្ញុំជាមនុស្សពេញវ័យរួចហើយ ការសុំជំនួយមានអារម្មណ៍ថាកាន់តែមានបន្ទុក។
បន្ទាប់ពីបានបង្ហាញខ្លួនជាមួយ IZONE និងទទួលបានជោគជ័យក្នុងការចេញចម្រៀងទោល នាង Kwon Eunbi បាននិយាយថា ឪពុកម្តាយរបស់ខ្ញុំសប្បាយចិត្តខ្លាំងណាស់ឥឡូវនេះ។ IZONE ធ្វើបានល្អ ហើយបានបង្ហាញខ្លួននៅលើកញ្ចក់ទូរទស្សន៍ជាញឹកញាប់ រហូតដល់ពួកគេបង្ហាញខ្ញុំដោយមោទនភាព ហើយបានចែករម្លែកថា នាងបានផ្តល់ប្រាក់ឧបត្ថម្ភដល់ពួកគេ៕
